1 Bajari God fakina tofo aimi beka afigedo, evetu genembo iji vitarida a iji vosarida irera,
2 God nunda ututu Saion gari duróde aminda ghedo, nunda usasa janimberaira.
3 Namondeda God refira, a jo sainghe furaeri. Nu avaraka buburaghae dombuda aviri,
4 Nunda natofo kau nange ijujarira ava, utu endaghae foa gosuroro ijujari dae resira.
5 “Nanda natofo nanda geka ningiraera, a nanda evovo geka kaifa ari dae sise,
6 Utu da duróimi ijugerira, God mo, ari bekáda bekáda ava nembo eraira.
7 Nanda natofo Israel embo, nininguruvu, saone! God, nenda God namori.
8 Ne dombuda sari dae erena, avata, nenda joba muturaeva ekori o sinofuka de dunge muturaeva
9 Eregoseva? Borumakau da kandana nenda karoda irira,
10 Ai resira amo, taimada sino fuka
11 Taima da rika a roera endada jebuga irera ábarago nanda tofori.
12 Na ighoi ambaetena, jo nendae bayau dae benunu sae aeteni.
13 Na burumakauva kandana ainda fisí, o gouti da ororo mindarena, aĩ?
14 Ava sedo, God fakina kato, na ne dombuda resena ainda beká mo eviri.
15 Dara nanjigo furarira amo, nandae kori sevu, ne sonembururono nandae sakai saove!
16 Avata God ari ekoko embokena eminge resira, “Nanda Agho Dari redae teguterevu?
17 Aminge resena da beká mo, ne dengoro indiraena ava bu fugeraeva. Nanda geka itako jo bae eraeva.
18 Ne bagia kakato tambudo, nemonde komana usevu. Aminguse, yagera kakato ainde dabade tatedo, umo use ireva.
19 Ne evovodae besiga use, geka eko sari dae kaifa use irá gheraeva. Ne kotae kotae gungubo seraeva.
20 Ne totofo nenda nano namendi dae aji seraeva. A nenda irari gosuse ijujeraesa.
21 Ne amingudo fuseva ava, na rejo eni jo saeri. Amingudo feno gido, na nemongo ava kotisevu.
22 Na ningi ningaego eraeva, ava dengoro afige ningivu!
23 Na kakara ari sareva amo, beka afigedo, nandae aiyakoe sareva.