1 Arie Bajari, ninda fakina futusesa aindae, kini ivuga erira.
2 Nunda janje jokáda rea uju usira ava futusesi. Rejodae benunu sisira ava, jo jighi jijinimbaeri.
3 Nu buvurutiri, ni ghaito tero fugutuse joba numo bekáimi esimbugusesi.
4 Nu nimokena jebugadae benunu setiri, ni jebuga evovodae irari ava futusesi.
5 Ni sonembusesa aimi, nu duró usira. Nine sonembeteso, nu binó a duró budo irira.
6 Geka bekári: ninda esimbugari evovodae numokena irira. Nu ninda dombuda irira aindae, ivuga use irá gheraira.
7 Kini nu Bajari Iká Bekáda ava tumonderaira.
8 Nunda gitofu isambu sandi barira. Natofo numokena osogo futo use irera isambu sandi bambarira.
9 Numo buvarira da sifo aminda ne avaraka bubura da vevera aimi dungari avarera.
10 Kini nune, nenda sasingu isambu dari sirivo e tefo arera.
11 Kotugo, numokena osogo use, kotari ekoko ava manaka gayeraera, avata beká jo sirorae arira.
12 Nunda feva aimi nemokena afari gido, ne jovereghe oju sumbarera.
13 Arie, Bajari, ninda fakina tomanako aindae, ni jighoro eraresa.