1 Arie Bajari, ni dubo ererurena.
2 Bajari mo, nu nanda sorega mutari katori.
3 Bajari dae sakai resena.
4 Ambari da fakina evagoimi na kosege birurughedo afurugusira.
5 Ambari da fakina aimi namoa kosege jimbe birurughedo, namoa ivasi fiti bari dae kato usira.
6 Na nanda dara jokáda irise, Bajari dae kori siseni.
7 Amingetiri, enda javi use daradaraghiri, doriri susu javi javi use, ginoginoghusira.
8 Imbosi nunda mendo tokáda gubighiri, nunda bekada avaraka buburaghae oeno veverago ava buvurutusira.
9 Utu jighi torere afigedo, foroga ingago nunda ata duruda fiti ainghae vose fusira.
10 Nu nunda Serubim aminda anumbetiri, yauraimi bu ghufusira.
11 Numo tumba jokáda afuregedo, borija da foroga ingagoimi doghusira.
12 Usasa nunda dombukena jaragheraira aminda ghedo biria avaraka buburago avavagai tarighiri,
13 Aminguse, Bajari Iká Bekáda nunda beka duka utuda ghe gururu didiviri nininguseri.
14 Nunda feva da goroba aimi afetiri, nunda gitofu sisigaga useri. Nu setiri biria tarighiri, ne oju e sufuseri.
15 Arie Bajari, ninda gitofu dombuda sise, kovionoghae koko seteso,
16 Bajari nu ikáda ghe sirige, na karaje kafuruda ghe jumbarigetiri vivituseni.
17 Nanda fakina dadabetiri, na nanda gitofu fakina kakato da ungoda ireno, God na saghimbe rurusira.
18 Dara ainda sifoda, ne na dari dae sufusera, avata Bajari na gagara usira.
19 Bajari nandae riria eraira aindae, nune sonembedo na budo jebuga vasada fitiri jebuguseni.
20 Na ari dambu use irá gheraena, aindae, Bajari nandae mino eveva muturaira.
21 Na Bajari da Agho Dari rea resira ava useni.
22 Na nunda Agho Dari rea resira isambu kaifa useni. Na nunda sari eni jo kosasaghaeri.
23 Na ari eko eni jo ae eraena amo, nu kasamari.
24 Na ari dambu use irá gheraena aindae, nu nandae mino eveva muturaira.
25 Arie Bajari, evetu genembo mave ni tumonduse irá gheraera, nemokena ninda beka gajari ava eraesa.
26 Mave da irari forosogo beká ava irarira aikena, ni kavevera beká eraesa.
27 Ni tumbari embo ava sonemberaesa,
28 Arie Bajari, nine nanda tumba emo jighi tonenembedo, nanda usasa muturaesa.
29 Gitofo nanjogo irera, ava daono dae sise, fakina nine muturaesa. Kotugo, gitofu da furu jarigari da fakina barago, nine muturaesa.
30 God emo nu rea eraira amo, dambugo bekári!
31 Bajari nusukako numoa God ri, eni tefori.
32 God nune eari, na fakina eraena.
33 Nune eari, na ata fete simbugeraena.
34 Isoro tataya aono dae sedo, nune na ijugeraira.
35 Arie Bajari, nine gagara use, na sonembusesi.
36 Na ondi kosege sandaetera ava, nine tavo eso, na jo gofae useni.
37 Nanda gitofu ondi sandi bambu tefo edo, isambu deteno sirivu useri, eni jo doyono jebuga yae usira.
38 Nane ne deteno du fafasusera amo, sekago jo erae arera.
39 Nine isoro ari da fakina ava, namokena futusesa aimi, gitofu de atai fati fefetuseni.
40 Nine eoso, nanda gitofu na do sumburaera.
41 Ne sonembadae koko siseri, avata mave jo sonembari jebugae useri.
42 Ne fati jaseteno, kau fonja yauraimi fuseari ya dadaberaira, ainda kaugo useri.
43 Evetu genembo gogore kakato eredo, namoa dari dae kotisera ainde isoro eno, na sonembeteso jebuguseni.
44 Teana embo nandae igheghi edo, nanda dombuda tumoi bainghuse, nane rea seraena, ava eraera.
45 Ne rojedo, ungo ata dadara garuse, nenda jungari vasa do buvuraera.
46 Bajari evovo dae irira, nanda sorega mutari katodae sakai saore!
47 God nandae gitofu de atai fati fetari da fakina ava muturaira.
48 Nune namoa gitofu kena sonembeari jebugeraena.
49 Ava sedo, Bajari, na oro mendeni mendeni jokáda irise, nindae sakai seraena.
50 God nune de atai fati fetari da fakina ava nunda kini dae muturaira.