1 God nane tumonde baingheraena, a kotugo, nanda kini mo nimori.
2 Sifo ghousa na nindae aiyakoe sedo gharena. Nindae sifo ghousa a kotugo evovodae sakai sise irarena.
3 Bajari mo, nu teriagori. Sakai numoa sari evevari. Numo teriago bekári jo kasama arida kaugo iraeri.
4 Nine rea usesa aindae, namane oroko jebuga irera, nindae sakai sido iruroro,
5 Ninda duró usasaghae ava osa siruroro ningido, ninda ari gae gitida ututeraesa ava,
6 Ninda ari gae gitida ututeraesa setena, ava natofoi osa siruroro, ninda bino teria aindae nane barago vironu sedo gharena.
7 Evetu genembo isasambu ninda aito eveva aindae osa sise, ninda kavevera teriago ava yaruimi isimbarera.
8 Bajari mo, dubo bari a kotugo, joka ari katori.
9 Nu evetu genembo isasambudae kavevera eraira,
10 Arie Bajari, endada utuda a kotugo, evada roera nine usesa isasambu nindae sakai sarera.
11 Ni kini (king) edo iresa da duró ainda binó ava osa sarera.
12 Evetu genembo isasambu ninda tano babaigo gae gitida ututusesa ava kasama aoro dae sise,
13 Nimo utu enda a kotugo, eva da kini edo evovodae iresa.
14 Bajari mave mema use goferaira ava, nune sonembeari jebugeraira.
15 Endada evetu genembo, sino fuka, sivoro kororo, eva da oka mane gindovi gandovi isasambu diti nimoa gosuse gigiturureoro, nenda baimara sifoda nenda bayau inononda muturaesa.
16 Ni ungo isambukena javoregheoso nenda uvu bayau inonoda buraera.
17 Bajari da aito fugari isambu dambugo bekári. Nu rea eraira amo, joka use eraira.
18 Evetu genembo mave bekáda bekáda janje isambuimi Bajari dae kori sarera, nu anakora utua edo irira.
19 Evetu genembo mave Bajari kakara eraera aikena reju ava daiva eraira, nune nemokena muturaira.
20 Evetu genembo mave Bajari dubo buraera ava gagara eraira.
21 Namo sifo ghousa Bajari dae sakai sise irá gharena.