1 Mave Bajari da Agho Dari jokada irise, nunda uju ava nembo eraira amo, nu ivugaghae irá gheraira.
2 God da Agho Dari ava mave nininguse, dubo joká isambu numokena muturaira amo, nu ririaghae irá gheraira.
3 Ne Bajari da emboro da ise, ari eko eni jo ae eraera.
4 Bajari, ninda agho dari namane dae mutudo, dubo joká isambuimi tumonduse kaifa aoro dae sisesi.
5 Na nange dubo joká isambuimi ninda sari ava tumonduse, ininighae kaifa areni?
6 Amingarena amota! Na nimokena fuse, ni rea sisesa isambu arena amo, na meka jo gae arena.
7 Ninda agho dari dambugo ava kasama arena amo, nanda dubo joká forosagoimi nindae sakai sarena.
8 Na ninda sari, ava tumonduse, kaifa arena. Ava sedo, na erá doyeose!
9 Genembo seka bajari kau nange nange irari keosogo beká irari? Amo, ninda geka ainda amboda amboda use irarira.
10 Nanda janje joká isambuimi ninda saramana ari dae egiraena.
11 Erá nimokena ari eko eono dae sise, ninda geka nanda janje jokáda fiteno irira.
12 Arie Bajari, nindae sakai resena. Ninda emboro namokena ijuge!
13 Na ninda Agho Dari gefusesa ava isambu tegutuse evetu genembo kena vironu sise irarena.
14 Na ninda Agho Dari ava ari dae, ivuga beká eraena, moni a gugua roera kena jo kotae eraena.
15 Na ninda sari ava, nane tegutuse irena. Na ninda kau mavega ava kotise irá gheraena.
16 Na ninda sari ava uju beká eraena. Ninda geka ava, na itako jo kote doyae arena.
17 Na ninda saramana katori. Nandae ari eveva edo ghe! Amingururaso na irise, ninda geka ava kaifa edo ghaone!
18 Aso, nanda diti basari, ninda Agho Dari jokáda geka beká garigarigo nanjogo iritirira ava garena.
19 Namo eminda endada sifo tufako irarena. Ninda uju rea aoro dae seraesa ava, erá namokena jungeose!
20 Nanda ghamo beunghetiri itatamerena, ninda agho dari sifo ghousa ningari uju eraena.
21 Ivuga kakato anakora nine girivaita eteso irera, a ni rea seraesa ava mave aindae emboro kosasagherae
22 Na ninda dengoro indari kaifa eraena. Ava sedo, evetu genembo setena, dere jise,
23 Reighi da babojegari totorugedo namoa ufena daoro ambono dae manaka gayeraera,
24 Ninda geka gefusesa ava, tegetuse, na dubo jama eraena, ninda agho dari gefusesa,
25 Namoa atai duboda fatero ambari dae erena, ninda beka gajari ava use na sonembe, janje asegaone!
26 Na rea isambu usena ava, vujeguseni. Eteno, ni “avori” sisesi. Ninda sari ava ijugaso, gaone!
27 Ninda sari da tuka ava kasama aono dae sise, na sonembe! Amingaso, ninda ijuga garigarigo ava dubo jokai kotedo ghaone.
28 Namoa dubo mema aimi afurugetira. Ni rea ari dae beka gagojusesa ava use,
29 Erá emboro sembae da yeone dae sise, na Kaifa e! Kotugo ninda kavevera eraesa aimi, ninda Agho Dari
30 Na tofo ninda sari ava ari dae gateguseni. Ninda agho dari kau mavega ava, tege tuka kasama useni,
31 Arie Bajari, na ninda agho dari ava tegedo aminguseni.
32 Ni rea seraesa ava nembo edo gharena. Ainda susu mo, nanda kasama teriago mo, nine mutaresa.
33 Arie Bajari, ninda sari da tuka ava ijugururaso, na sifo ghousa evia kaifa edo ghaone!
34 Ninda Agho Dari ava se disugaso gaone, gido nanda janje joká isambuimi kaifa edo ghaone!
35 Giti jijighururu, na ni rea sisesa da emboro aminda fetedo yaone!
36 Giti jijighururu, moni gugua ghayafa da dighighi ari jo ae, ni rea sisesa ava nembo kaifa aone!
37 Eráma doyeso, na god beká iritirae ava tumondeone! Ninda geka ava use, nandae ari eveva e!
38 Na ninda saramana katori, evetu genembo ninda sari eraera aikena,
39 Natofoimi namokena jijivu ekoko seoro oju eraena ava kosege, ghamo asegaone!
40 Na ninda sari ava ari dae uju eraena. Nimo numo bekári. Ágido, nandae jebuga seka ava bufu baone!
41 Arie Bajari, ninda dubo bari kau mavegori ava, ijugaso gaone!
42 Amingaso, evetu genembo namokena jijivu seraera ne mino saono sari bunarera.
43 Nanda gigitari mo, ninda agho dari kenari. Ava sedo, sonembururaso, na sifo ghousa evia
44 Na sifo ghousa evia ninda Agho Dari rea resira,
45 Na gitofudae jo mema ae arena, ainda susu mo, ninda sari ava ari dae, inini eraena.
46 Ninda agho dari ava kini (king) nanjogo kena vironu sise, itako jo meka ae arena.
47 Ni rea seraesa ava na dubo buraena. Ava sedo na aminguse, ivuga eraena.
48 Ni rea seraesa ava, na dubo ruruse kakara eraena. Ninda sari futusesa ava, na dubo jokai kotedo gharena.
49 Na ninda saramana katori. Namokena geka sisesa, aimi etiri namokena gigitari sirorusira,
50 Na bouvu mema jokáda fefeteno, ninda beka gajari aimi etiri jebugusena aindae, dubo jama useni.
51 Ivuga kakato sifo ghousa evia nandae aji sise fiteoro voseraena,
52 Arie Bajari, ninda agho dari abua manekena futusesa,
53 Sifo reda ari ekoko embo ninda Agho Dari bejoro garena, na janje ekoko beká eraira.
54 Nanda irari sifo tufako enda eminda irise, ninda sari ava kotise, na yaru mane gateraena.
55 Arie Bajari, tumba ghae na nimoa koteraena.
56 Nanda makoe mo, ninda sari nanjogo ava udo refena.
57 Arie Bajari, nisuka nimoa nanda ujuri. Ninda geka kaifa are dae beka gagojerena.
58 Nanda janje joká isambuimi nimokena benunu resena, ni beka gagojusesa aminguse,
59 Nanda irari ava fuge gosuse resena. Ninda geka ava use irari dae, beka gagojerena.
60 Jo itako gaimbo ae, na totoigo ni rea sisesa ava ari dae eraena.
61 Ari ekoko ari kakato namoa ninda Agho Daro doyono dae sedo, nenda vagho simbugeteri.
62 Ninda Agho Dari dambugo eraesa aindae, na tumba soroda nindae sakai sari dae ereraena.
63 Nanda umo gaumo kokomana mo, evetu genembo nindae saramana use, ninda sari kaifa eraera, avori.
64 Arie Bajari, enda mo, ninda dubo bari a kavevera aimi beda edo irira. Ninda sari ava namokena ijuge, gaone!
65 Arie Bajari, na ninda saramana katori. Nandae ari eveva eraesa. Ni geka seteso, beká namokena siroretira.
66 Namokena ijugururaso na dubo kotise, kasama égogogho arena. Ainda susu mo, ni rea sisesa,
67 Na sembae use, kosasaghedo ghusena, aindae eoso, na ghamo budo ghuseni.
68 Nimo evevagori, kavevera katori. Ijuge, ninda sari ava aone!
69 Ivuga kakato nanda bino sembae are dae, nanda javoda aji siseri.
70 Ninda Agho Dari rea resira, ainda kasama nemokena tefori.
71 Nane ghamo baono dae usesa aimi namokena eveva usira.
72 Agho Dari nine futusesa, ainda tuka namokena teriagori.
73 Nine eteso na siroruseni, a nine kaifa urureaso, jebuga irá gheraena.
74 Nanda tumondari ninda geka kena fitiraena, ava gosuse, evetu genembo nimoa kakara eraera, aimi ivuga use irera.
75 Arie Bajari, ninda agho dari ava eraesa aindae resena.
76 Na ninda saramana katori. Nine beka gagojuse rea sisesa, ava use,
77 Nandae joka edo, sonembaso, na jebugaone! Ainda susu mo,
78 Evetu genembo ivuga kakato namoa tefo tefo gesire eraera, nemokena aso, meka gaoro dae resena.
79 Evetu genembo isasambu mave ninda Agho Dari kasama edo nimoa kakara eraera, ava saso, namokena furore!
80 Erá meka geono dae sise resena: na nange, ninda sari nanjogo ava,
81 Arie, Bajari, namo saso jebugarena ainda sifo kaifa use irana, na garoro buvira.
82 Ni rea ari dae beka gagojusesa ava kaifa use, diti emboro use irana bunedo, ategi erena,
83 Na jo evetu genembo eni da kaugo iraeri. Namoa kau amingori, vaini da kofiri manai bununughedo irira.
84 Na ghousa mavega ava kaifa ururono, evetu enembo namokena mema muturaera ava, aso ghamo bareri?
85 Evetu genembo ivuga kakato ninda Agho Dari jo ningido kaifa ae eraera aimi, namo sandi bari dae
86 Ni rea seraesa ava, geka beká vanembori. Evetu genembo namokena mema futuse, gungubo tefo tefo resera,
87 Ne na detero ambari itako useni. Avata, ninda sari ava jo itako gukai mutaeri.
88 Ni na dubo bu gogoghomberaesa aindae, nandae veka eveva ururaso, na ninda Agho Dari ava, ningido kaifa arena.
89 Arie Bajari, ninda geka evovodae irarira, utuda susu gambudo irira.
90 Ni geka nanjogu seteso fetirira ava amingudo yaresa.
91 Roera isasambu ninda agho dari da irira. Ainda susu mo nemo isasambu ninda sari ningariri.
92 Ninda Agho Dari dae jo ivuga use irae aetena amo, mema bouvu itatama eraena, ai ambaeteni.
93 Na jo itatako ninda sari kotae ae arena. Ainda susu mo, aimi na kaifa eso, jebuga irena.
94 Nasukako namo nindari, sonembe, jebugaone! Ninda sari ava ari dae edo giraena.
95 Ari ekoko embo namoa ufena daoro ambono dae kato erera.
96 Na kasama erena, roera isasambu nenda tano ghaeri. Avata, ni rea sisesa amo, evevago bekári, tano tefori.
97 Ninda Agho Dari mo, nange nanda dubo bari bekári. Sifo tumba evia kotise irá gheraena.
98 Ninda uju rea aoro dae sisesa ainghae irena. Sifo ghousa aimi urureari na dubo kotaride eraena amo,
99 Na dubo kotari kasama teriagori, jo nanda ijuga kakato isasambu ainda kotari kasamago iraeri.
100 Nanda dubo kotari kasama teriagori, jo afa koro da dubo kotari kasamago iraeri.
101 Na ari ekoko da emboro do dariguseni. Ainda susu mo, ninda geka rea resira ava ari dae uju use irá gheraena.
102 Na ninda agho dari isambu futusesa ava, eni jo bu fugaeri. Ainda susu mo, nisuka nimoa nanda ijuga katori.
103 Geka ninda bekada buvuruterira ava jeurugo bekári, jo finjeda firukago iraeri.
104 Ninda sari aminda na dubo kotari buraena. Ava sedo, na ari ekoko da emboro aminda yari imboe eraena.
105 Nanefa aminga ava, ninda Geka aimi nanda emboro ijugeraira.
106 Ninda agho dari eveva gaveva ava ari dae sedo javono gatise, beka gagojusena ava aono beká sirorarira.
107 Arie Bajari, nanda tamo gambisi futo edo kae saviri ambududurerena.
108 Arie Bajari, nindae banunguse, aiyakoe resena, ningi! A kotugo, ninda agho dari aono dae resesa ava, ijuge!
109 Na dara ambari jokáda fetirise, ambari dae jo oju aeri. Ninda Agho Dari kotido yarena.
110 Ari ekoko emboimi namoa daoro ambono dae vagho useri. Avata, ninda sari ava, na jo itako bu fugaeri.
111 Ninda sari ava, nanda jebuga evovodae irari da yeyeri.
112 Na tofo mandi kotiseni, ninda Agho Dari rea resira, ava use iria ambarena.
113 Evetu genembo dubo etoto eraera ava, na gari imboe beká eraena. Avata, na ninda Agho Dari ava uju beká eraena.
114 Nimoa nanda ambo sosari vasari akotugo nanda bereri. Ninda geka sisesa, ava gigituse irágheraena.
115 Ari ekoko embo nemokena resena, na dodo darige ajagha yasivu!
116 Nine beka gagojusesa ava use, fakina nandae bofu bu jebugaone!
117 Na jighi fete, jebugaone! Ninda sari ava ningi kaifa use irarena.
118 Evetu genembo mave ninda sari bejeraera ava ondeaso darigeraera. Beká resena,
119 Ari ekoko embo ava inono sena a susunda avavago babarageraesa.
120 Nindae oju beká eraena. Ninda agho dari usesa aimi etiri na ojuimi jaruteraena.
121 Na rea etena amo, dambu a evevagori. Erá na gitofu jokada doyeóse!
122 Na ninda saramana katori. Namo sonembari dae beka gajaso dae resena!
123 Namoa gitofukena sanghimbe baso jebugaono dae beka gagojusesa ava diti emboro use irena.
124 Bajari, na dubo buraesa aindae, ninda sari aono dae sisesa, ava ijugaso gaone!
125 Na ninda saramana katori. Nanda kotari afigaso, ninda sari ava kasama aone!
126 Bajari, oroko mo, eredo javi aso dae resena. Ainda susu mo, natofo ninda Agho Dari erebejera.
127 Geka bekári, na goldi (gold) nu uju eraena. Avata ni rea seraesa ava, uju beká eraena.
128 Ninda sari eveva gaveva irariá seraena susu aindae, emboro sembaeda yari na imboe eraena.
129 Ninda Agho Dari amo garigarigori. Nanda kotari isambu aimi ava eraena.
130 Ninda geka se didisugarera aimi, usasa janimbururari bunari emboá dubo kotarera.
131 Dubo sagheari uvudae beka angasa angasa eraera, aminga ava ni rea seraesa ava, ari dae use irá gheraena.
132 Natofo nimoa dubo buraera aikena eraesa aminga ava use, dombu namokena edo, nandae joka aso dae resena.
133 Ni beka gagojuse rea ari sisesa, ava ururaso, na ari ekoimi jo bajari ururari gofae arena.
134 Ninda sari ava aetena ava kotise, evetu genembo namoa kateyavara use,
135 Na esimbuguse, fu nangae irore! Irise, ninda sari ava ijugaso gaone!
136 Natofo ninda Agho Dari jo kaifa ae use, erebejera aindae, nanda diti jivu rururarakuse uvui sumbari gerira.
137 Arie Bajari, nimo dambugo bekári, a ninda Agho Dari isambu eveva gavevari.
138 Agho Dari futusesa amo, beká ava nembori. Inono a dambugo bekári.
139 Nanda gitofu ninda geka itako jo budo amboda amboda ae eraera aindae,
140 Na kasama erena: ninda beka gajari nanjogo ainda beká sirorarira. Ava sedo na ghamo buraena.
141 Namo jo genembo mindafu eni iraeri. Akotugo na derejiraera. Avata, na ninda Sari ava kotise irá gheraena.
142 Ni evovodae ari eveva vanembo use irágheraesa akotugo,
143 Na ganjibetiri jarutuse bouvu mema teria fufuse irena, avata, nine rea sisesa aindae, ivuga use irena.
144 Ninda Agho Dari beká ava nembori. Nanda kotari afige, jebuga tambone!
145 Arie Bajari, nanda kotari isambuimi nimokena benunu resena.
146 Ninda sonemba a jebuga ghae mutaso dae kori resena. Amingaso, ninda Agho Dari rea resira ava aone!
147 Iji jo vitae iriari, na ninda sonemba dae benunu seraena. Ninda geka rea resira ava kaifa gigita use irena.
148 Tumba soro ghousa ninda beka gajari dubo jokai kotari dae sise, na jo avae irise fase irá gheraena.
149 Arie Bajari, na sifo ghousa dubo buraesa aindae, ningaso dae resena. Nandae joka use sonembururaso jebugaone!
150 Evetu genembo namokena mema mutari dae sise, manaka gaedo ojera utua erera.
151 Arie Bajari, nimo nanda tinguda iresa, a kotugo,
152 Giti beká na ningi kasama useni, ninda Agho Dari sifo ghousa irare dae sise, seteso fefetusira.
153 Na mema eretafena emoko fuge gosuse, saso jebugaeteni.
154 Nandae sorega fufuse, namoa gitofukena bu darige! Sonembe, ni rea ari dae beka gagojusesa, ava e!
155 Ari ekoko embo ne jebuga jo tambae arera. Ai resira, ne ninda sari ava, jo ae eraera.
156 Bajari, nimo kavevera katori. Ninda joka ari kau mavega ava ijuguse na sonembe, jebugaone!
157 Natofo, namokena gitofu use kateyavara eraera, digariri. Avata, na jo gofedo, ninda Agho Dari itako imboe aeri.
158 Evetu genembo tumondari tefo sifo reda giraena, na bero tugari dae eraena.
159 Bajari, namoa gi, ninda sari ava, na uju beká eraena.
160 Ninda geka isambu beká vanembori. Akotugo, ninda Agho Dari kosasa tefori, isambu evovodae irarira.
161 Reighi da babojegari a giti jijighigari namoa susu tefo osogo use mema mutari dae eraera, avata na ninda
162 Ninda beka gajari ututusesa aindae ivugai jaruterena.
163 Na geka gungubo ningari beghagha use, imboe beká ava eraena.
164 Na sifo evia inono ninda Agho Dari kosasa tefo aindae aiyakoe sise irágheraena.
165 Evetu genembo ninda Agho Dari uju eraera, nemo dubo jama mindafugo tambarera.
166 Arie Bajari, namo sonembaso jebuga tambarena da sifo kaifa use irena. Akotugo, ni rea seraesa, ava eraena.
167 Nanda kotari isambu aimi ninda Agho Dari dubo buraena, ágido amboda amboda eraena.
168 Ninda sari ava use, ninda Agho Dari futusesa ava eraena.
169 Arie Bajari, nanda sorara emo, nange ya nimokena buvari ningaetesi.
170 Nanda benunu nimokena erena ningaetesi. Ni rea ari dae beka gagojusesa, ava use, na sonembaso jebugaeteni!
171 Na sifo ghousa nindae sakai sise irarena. Ainda susu mo, ninda sari ava namokena ijugeoso giraena.
172 Ninda geka yaruimi isimbuse irarena. Ainda susu mo, ni rea seraesa aminda, kosasa tefori.
173 Sifo ghousa namo sonembari dae iriro use iraetesi! Ainda susu mo, na ninda sari aminda feteraena.
174 Arie Bajari, nine saso jebugarena da sifo ava kaifa use irena.
175 Doyaso, na jebuga irise, nindae sakai saone! Na uju erena ninda Agho Dari aimi na sonembaeti!
176 Kau sifi enimi baghimbari gedo irira, aminga ava na emboroda yaba yaba ghuse irena.