1 Namonde Bajari dae aiyakoe saore! Nu teria beká irira aindae, osa saore!
2 Bajari dae yaru sise, sakai saore! Nune roera eveva gaveva nanjogo ututusira aindae,
3 Namonde mo, nunda tofo ágido ivuga aore! Namonde maveju maveju numoa tumonde baingeraera,
4 Bajari kena yasivu, sonemba tambove! A kotugo, sifo ghousa numoa tumonde bainghuse irivu!
7 Bajari mo, namonde God ri. Nunda Agho Dari mo, reighi isasambudae sisira.
8 Nu kotua gatise, rea ari sisira ava evovodae amingudo yarira. Nunda beka gajari mendeni isambu barago ghaeko evia inono evovodae nune use irarira.
9 Nune Abraham ghae kotua gatise rea setero fefetusira,
10 Bajari Jacob ghae dabade sekago kotua gatise, emingari sisira, amo eviri:
11 “Reighi Keinani (Canaan) ava nane mutono, ninda tofodae baresa.” sisira.
12 Sifo amo God da natofo reighi Keinani (Canaan) aminda mo,
13 Ne yabayaba ghuse, oro eninda reighida ghe ya reighi enikena ghedo ghuseri.
14 Avata, God jo doyari mave eniimi bouvu mema nemokena mutaeri.
15 “Nanda saramana kakato gategusena evia, erá deove!
16 Avori Bajari setiri baimara ava reighi Keinani aminda sirorusira.
17 Nu amingusira, avata anakora nunda natofo gategusira ainda genembo eni Joseph,
18 Nunda ata seni (chains) auri arimi bundiseri a kotugo nunda dubo auri eniimi bundiseri.
19 Aminge iriri, nune gimasa irise, rea osa sisira amo, beká sirorusira.
20 Sifo aminda, Egypt emboda kini (king) oro oro nanjogo kaifa edo ghusira aimi setiri, dibura do buvurutusira.
21 Etiri, kini setiri, Joseph Egypt da gavana a roera isambu reighi Egypt aminda ainda bajari edo irei.
22 Kini amingusira amo, nune setiri gavana da babojegari a kini da dengoro indari kakato barago,
23 Aminge fetetiri, Joseph numamo Jacob ningi eredo, núbarago ira,
24 Bajari setiri, Jacob da imemesiri digarigo siroruseri.
25 Nune etiri, Egypt emboimi natofo Israel embo ava imboe gamboe useri. Aminguse,
26 Amingero, nunda saramana kato Moses diriguse God Moses da koro Aaron barago,
27 Nene God da tano gi dudukughari ava ututeoro gido ghuseri,
28 God setiri reighi aminda tumba jinjanghusira, avata, Egypt embo nunda geka jo ningae useri.
29 Nune setiri, nenda uvu isambu ororo jinetiri, oka mane isasambu amomonjeguseri.
30 Nenda reighi tomanako isambu gerakuimi bedo usira. Amingiri, kini da nati barago nemo vanembo usira.
31 A kotugo God setiri, soinimi a jejeraimi funghuse reighi tomanako nemo vanembo useri.
32 Nune borija beká bureguse setiri, borija dombu eni yaughari kau ghamana da kaugo aimi diríri,
33 Nune sosighi use, nenda vaini da asi a ika figi seraera isambu de bunununghetiri vovoseguseri.
34 Nune furore dae aghi etiri, sisi mane, jo tegari da kaugo irae aimi fera buvurutuseri.
35 Nene ika igi mane reighi jokáda isasambu mindi tefo useri. Vareda bayau barago isambu mindi tefo useri.
36 Ainda amboda God Egypt embo da vide jamena bebego detiri sirivo useri. Aminguse nu Egypt embo da fakina da susu ava de tisisira.
37 Amingetiri, Israel embo era, Egypt embokena nenda guri sosighi use, ruruseri.
38 Egypt embo nendae oju usera aindae, Israel embo ne do darigetero, dubo jama beká useri.
39 God forogaimi nunda natofodae sasoro dadudurureari, tumbaghae usasa mutare dae sedo,
40 Ne benunu setero, rika ribo da kaugo avavago futusira,
41 Nune ghamana afigetiri, uvu jojojoghe vovosusira ava,
42 Ainda beká mo, nunda saramana kato Abraham kena rea ari dae sise beka gagojusira ava kotise, amingusira.
43 Aindae sedo, nunda natofo gategusira ava nune unumbiri, ne yaru sise,