1 Daahili ang gi Dimaadua i taahili hoou!
2 Goodou daahili ang gi Dimaadua mo di hagahagaamuina dono ingoo!
3 Goodou hagadele ina ono madamada ang gi nia henua,
4 Dimaadua le e aamua ge e humalia belee hai loo gi hagaamu huoloo giibeni.
5 Nia god o nia guongo huogodoo ala i golo, la nia balu god hua.
6 Nia madamada mono mahi e haganiga i di gili o Maa.
7 Digau huogodoo i henuailala, goodou hagaamuina Dimaadua.
8 Goodou hagaamuina di ingoo madamada o Dimaadua.
9 Pala gi lala i mua o Mee dela e dabu, i dono madagoaa dela ma ga hanimoi.
10 Goodou hagi anga ina gi nia guongo huogodoo boloo,
11 Henuailala mo di langi, goolua tenetene!
12 Nia henua mo ono mee huogodoo ala i no lodo, goodou tenetene!
13 i di madagoaa o Dimaadua ma ga hanimoi e dagi henuailala.