1 Ma e humalia behee ma ga danggee adu gi di Goe, meenei Dimaadua,
2 gei e hagadele di hai o do aloho dee modu i nia luada huogodoo,
3 ngaadahi mo nia lee o nia uga o nia mee hai daahili, mo di lee o di ‘harp’.
4 Meenei Dimaadua, au hegau maaloo dangihi guu hai au gi tenetene.
5 Meenei Dimaadua, au mee ala ne hai le e humalia huoloo!
6 Deenei di mee a digau dadaulia e deemee di iloo ai,
7 Digau huaidu le e mee di tomo be nia geinga,
8 idimaa Kooe, meenei Dimaadua, dela di tagi aamua ga hana hua dono hagaodi ai.
9 Meenei Dimaadua, gimaadou e iloo bolo o hagadaumee la gaa mmade,
10 Goe guu hai au gi maaloo gadoo be di kau llamu dauwa.
11 Au gu gidee di hagamagedaa o ogu hagadaumee,
12 Digau ala e haihai nia mee donu la gaa tomo hagadubuagina gadoo be nia niu.
13 Digaula e hai gadoo be nia laagau e dogi i lodo di hale a Dimaadua,
14 Digaula gu mmaadua ge huwa daulogo hua igolo,
15 Deenei le e hagamodongoohia bolo Dimaadua le e donu,