1 Meenei Tagi, Goe go di madau gowaa nogo noho ai i nia madagoaa huogodoo.
2 I mua dau hai nia gonduu mo dau hai henuailala, Goe go di God dee odi,
3 Goe dela ne helekai mai gi gimaadou
4 Nia ngadau e mana i doo baahi le e hai hua be di laangi e dahi,
5 Goe e haga mmaa gimaadou gi daha be di labagee,
6 gaa tomo, ga moholoholo gi daha, ga maangoo hiahi, gaa mmade.
7 Go do hagawelewele dela e kili iei gimaadou gi daha.
8 Goe guu dugu madau huaidu i oo mua,
9 Madau mouli la gu podo mai i do hagawelewele,
10 Di waalooloo o madau mouli la nia ngadau hua e mada hidu,
11 Koai gu hagalongo ia i deia di mahi o do hagawelewele?
12 Aago ina mai gi gimaadou be dehee di bodobodo o madau mouli,
13 Dehee di waalooloo o do hagawelewele?
14 Haga honu ina gimaadou gi do aloho dee odi i nia luada,
15 Gaamai gi gimaadou di noho manawa lamalia,
16 Dugua mai gi gimaadou, ala go au gau hai hegau,
17 Meenei Tagi go di madau God, dau hagahumalia gi madalia gimaadou.