1 Meenei Dimaadua, go dogu God mo dogu Dangada Hagamouli,
2 Hagalongo mai gi dagu dalodalo.
3 Nia haingadaa e logowaahee guu tale mai gi di au, gei au gu hoohoo gaa made.
4 Au guu hai gadoo be digau huogodoo ala i golo ala gu hoohoo gaa mmade,
5 Au guu hudu gi daha gi baahi digau mmade.
6 Goe guu hudu au gi lodo di tua o taalunga,
7 Do hagawelewele mai gi di au la gu daamaha huoloo i ogu nua,
8 Goe ne hai ogu ihoo hagaaloho gi diiagi au.
9 Ogu golomada gu paagege idimaa au gu duadua.
10 E hai behee? Goe e hai au mogobuna ang gi digau ala guu mmade?
11 Digau mmade ala i lodo nia daalunga
12 E hai behee, o mogobuna gu modongoohia i lodo di gowaa bouli,
13 Meenei Dimaadua, au e gahigahi Goe belee hagamaamaa au.
14 Meenei Dimaadua, Goe guu hudu au gi daha beleiaha?
15 Mai i dogu damagiigi, gei au nogo mmaemmae gu hoohoo bolo gaa made.
16 Do hagawelewele damanaiee gu hagahuaidu au,
17 I di waalooloo di laangi dogomaalia,
18 Goe guu hai hogi ogu ihoo hagaaloho gi diiagi au.