1 Meenei di Hagaloohi o Israel, hagalongo mai gi gimaadou.
2 Haga gida ina mai Goe gi nia madawaawa Ephraim, Benjamin mo Manasseh.
3 Meenei God, laha adu gimaadou gi muli!
4 Meenei Yihowah go di God Koia e Aamua,
5 Goe ne gaamai gi gimaadou di manawa gee bolo gi geina,
6 Goe ne hai nia henua ala i madau daha gi heebagi i hongo madau henua.
7 Meenei di God Koia e Aamua, laha adu gimaadou gi muli!
8 Goe ne gaamai dau laagau ‘grape’ i Egypt,
9 Goe ne haala dau madagowaa belee tomo aga ai di maa.
10 Nia gonduu guu gahu go di maa gi dono malu,
11 Nia manga di maa gu lloo adu gi di tai go Mediterranean,
12 Goe ne oho di abaaba dela e haganiga di maa eimaha?
13 Nia biigi lodo geinga e dagadagahi di maa,
14 Meenei di God Koia e Aamua, huli mai gi gimaadou!
15 Hanimoi haga dagaloaha ina di laagau ‘grape’ deenei dela ne dogi Kooe,
16 Madau hagadaumee guu dudu di maa guu hele di maa gi lala.
17 Benabena ina mo di hagaloohi ina au daangada ala ne hilihili,
18 Gimaadou hagalee huli labelaa gi daha mo Goe.
19 Meenei Yihowah go di God Koia e Aamua, laha adu gimaadou gi muli!