1 Meenei God, Goe di God ni oogu, gei au e hidihidi i di Goe.
2 Heia au gi mmada adu gi di Goe i lodo do gowaa haga madagu.
3 Au ga hagaamu Goe, idimaa, do aloho mau dangihi e koia e humalia i di mouli.
4 Au ga danggee adu gi di Goe i di waalooloo o dogu mouli.
5 Dogu hagataalunga ga miami ga maaluu
6 Dogu moe hua i hongo dogu hada, gei au ga langahia eau Goe.
7 idimaa, Goe dela nogo hagamaamaa au i nia madagoaa huogodoo.
8 Dogu hagataalunga e pigi adu gi di Goe, gei doo lima gau donu e daahi au.
9 Digau ala bolo ginaadou e daaligi au
10 Digaula ga daaligi i lodo tauwa,
11 Gei ogo di king ga tenetene, idimaa, God ne hai a mee gi aali.