1 Meenei Dimaadua, Goe hudee hagawelewele mo di wou mai gi di au!
2 Meenei Dimaadua, aloho mai gi di au, au gu deai ogu mahi ai.
3 Dogu huaidina hagatau la gu i lodo di haingadaa damanaiee.
4 Meenei Dimaadua, Goe dumaalia hanimoi hagamaamaa ina au.
5 I lodo tenua o digau mmade, tangada e langahia Goe ai.
6 Au gu deai ogu mahi ai i dogu manawa gee huoloo.
7 Au gu deemee di mmada.
8 Goodou go digau huaidu, tuu gi daha mo au!
9 Mee e hagalongo mai gi dagu gahigahi hagamaamaa,
10 Ogu hagadaumee ga iloo di nadau haga langaadia i nadau magedaa.