1 Meenei Dimaadua, Goe hudee daaligidia au
2 Goe guu hai au gi lauwa i au amu maalei.
3 Au guu mmae huoloo i di Goe dela e hagawelewele mai.
4 Au gu melemu i lodo di mmidi o ogu huaidu.
5 Idimaa au nogo dadaulia, ogu magibala gu bilau guu bala.
6 Au gu biga iha gi mua, au guu moe baabaa gi lala.
7 Au guu wele i di welengina o dogu huaidina, gei au gu hoohoo gaa made.
8 Au gu deai ogu mahi ai, gei gu maanuhia.
9 Meenei Tagi, Goe e iloo dagu mee dela e hidihidi ginai au.
10 Dogu hadu manawa e pompomu,
11 Ogu ihoo hagaaloho mo ogu gau ala e hoohoo mai gi di au
12 Digau ala e hiihai bolo ginaadou e daaligi au gii made
13 Au e hai gadoo be tangada longoduli dela e deemee di hagalongo,
14 Au e hai gadoo be tangada dela hagalee helekai gi nia heeu,
15 Gei au e hagadagadagagee adu gi di Goe, meenei Dimaadua.
16 Hudee heia ogu hagadaumee gii mmada tene gi dogu haingadaa.
17 Au gu hoohoo gaa doo, gei au e mmae huoloo.
18 Au e haagi ogu huaidu ala e hagahonu au gi uli ogu gai.
19 Ogu hagadaumee le e maaloo dangihi,
20 Digau ala e hui di huaidu gi agu haihai humalia
21 Meenei Dimaadua, hudee diagia au.
22 Meenei Dimaadua, dogu Dangada Daa, hagamaamaa ina mai au dolomeenei!