1 Goodou huogodoo ala guu donu,
2 Hagaamuina Dimaadua gi godou mee hai daahili,
3 Goodou daahili gi Mee i taahili hoou.
4 Idimaa, nia helekai a Dimaadua le e donu,
5 Dimaadua le e aloho di tonu mo di hai hegau donu.
6 Di langi la ne hai go Dimaadua gi ana helekai,
7 Mee ne hagabuni mai nia moana huogodoo gi di gowaa e dahi,
8 Digau huogodoo o henuailala, goodou gi mmaadagu i Dimaadua!
9 Mee ne helekai, gei henuailala guu gila.
10 Dimaadua e haga dee kila nia hagataele o nia henua,
11 Gei ana hagabaubau e noho hua beelaa.
12 E maluagina go tenua dela di nadau God la go Dimaadua.
13 Dimaadua e mmada iha i di langi,
14 Mee e daumada digau huogodoo ala e noho i henuailala
15 Ma go Mee dela e hai nia daangada gii mee di hagabaubau,
16 Di king la hagalee aali mai i ana gau dauwa ala e maaloo.
17 Nia hoodo ala i tauwa la hagalee hai ana mee gi di aali,
18 Dimaadua e hagaloohi digau ala e hagalongo ang gi de Ia,
19 Mee e haga dagaloaha digaula gi daha mo di made.
20 Dimaadua la go tadau hagadagadagagee,
21 Gidaadou e tenetene mai i Mee.
22 Meenei Dimaadua, do manawa aloho dee modu gii noho i madau baahi,