1 Meenei Dimaadua, au e aloho i di Goe!
2 Dimaadua la go dogu madaloohi, go Mee go dogu abaaba mau dangihi.
3 Au e gahigahi Dimaadua, gei Mee ga daa mai au gi daha
4 Di hagalliga o di made gu haganiga mai i dogu gili.
5 Di hagalliga o di made gu i dogu baahi.
6 Dogu madagoaa ne haingadaa mai gi di au, gei au gu gahigahi Dimaadua.
7 Henuailala gu ngalungalua gu lullulu.
8 Nia huiahi e buu mai i lodo nia mada uhi o Maa.
9 Mee gu haahi di langi gi mahuge,
10 Mee gu maangi iha i hongo dono dangada di langi e hai ono bakau.
11 Mee guu gahu Ia gi di bouli.
12 Di uwa hadu magalillili mo di ahi e monnono iha mai di ila
13 Dimaadua ga ngoloolo gadoo be di lee atili mai i di langi,
14 Mee guu puu ana amu maalei,
15 Meenei Dimaadua, tua di baba o di moana gu gila aga,
16 Dimaadua gu daahi e Ia dono lima i di langi guu kumi au.
17 Mee gu haga dagaloaha au gi daha mo ogu hagadaumee maaloo dangihi,
18 Digaula gu heebagi mai gi di au
19 Mee gu hagamaamaa au gi daha mo ogu haingadaa,
20 Dimaadua e hui au idimaa au dela e hai nia mee ala e donu.
21 Au gu daudali nia haganoho a Dimaadua,
22 Au gu haga gila aga nia haganoho a Maa huogodoo,
23 Mee e iloo Ia bolo au e madammaa,
24 Deelaa di mee a Mee e hui au i di au dela e hai di mee dela e donu,
25 Meenei Dimaadua, Goe e manawa dahi ang gi digau
26 Goe e madammaa ang gi digau ala e madammaa,
27 Goe e haga dagaloaha digau ala e manawa hila gi lala,
28 Meenei Dimaadua, Goe gu haga maalama au.
29 Goe guu hai au gii mahi bolo gii mee au di heebagi gi ogu hagadaumee
30 Di God deenei le e humalia huoloo go nia mee a Mee ala e hai!
31 Dimaadua modogo Ia dela go di God!
32 Mee go di God dela e hai au gi maaloo,
33 Mee ne gaamai ogu wae bolo gii lele au giibeni gadoo be di ee,
34 Mee e hagawouwou au gi di hai dauwa,
35 Meenei Dimaadua, Goe e abaaba au, gei e haga dagaloaha mai au.
36 Goe gu duuli au bolo gi dee kumi au, gei au digi hinga loo.
37 Au e waluwalu ogu hagadaumee gaa kumi digaula.
38 Au guu kili digaula gi lala, gei digaula gu deemee di nadau tuu aga.
39 Goe ne hai au gi maaloo bolo gii mee au di heebagi,
40 Goe ne hai ogu hagadaumee gii llele gi daha mo au.
41 Digaula e gahigahi nadau hagamaamaa,
42 Au e dagadagahi digaula bolo gii hai gadoo
43 Goe gu haga dagaloaha au gi daha mo nia daangada hai baahi,
44 Digau mai i daha e pala i ogu mua.
45 Digaula gu manawa paagege ga lloomoi gi daha
46 Dimaadua le e mouli! Hagaamu ina dogu Dangada Daa!
47 Mee go di God dela ne hai au gi aali i hongo ogu hagadaumee.
48 ga haga dagaloaha au gi daha mo ogu hagadaumee.
49 Malaa, au e hagaamu huoloo Goe i baahi nia henua llauehe.
50 Dimaadua e hai dana king gi aali haga humalia.