1 Meenei dogu God dela go di King, au ga hagadele di hai oo mahi aamua,
2 Nia laangi huogodoo, gei au ga danggee adu gi di Goe,
3 Dimaadua e aamua ge humalia belee hagaamu giibeni,
4 Nia daangada ga haga modongoohia au mee huogodoo
5 Digaula ga helehelekai i di hai o do madamada mo do aamua dee odi.
6 Nia daangada huogodoo ga helehelekai
7 Digaula ga helehelekai i do humalia, gei e dadaahili i di hai o do dumaalia.
8 Dimaadua le e koia e aloho huoloo gei e dumaalia,
9 Mee e humalia ang gi nia daangada huogodoo,
10 Meenei Dimaadua, au mee huogodoo ala ne hai Kooe ga hagaamu Goe,
11 Digaula ga helehelekai i di mahi madamada oo dagi dau golohenua,
12 bolo gi iloo ai nia daangada huogodoo di hai o mogobuna,
13 Di hai o di dagi dau golohenua la dono hagaodi ai,
14 Gei mee e hagamaamaa digau huogodoo ala guu noho i lodo di haingadaa,
15 Digau ala e mouli huogodoo,
16 Goe e wanga gi digaula nadau mee ala e dohu anga,
17 Dimaadua le e donu i ana mee huogodoo ala e hai,
18 Mee e noho hoohoo gi digau huogodoo ala e gahigahi a Mee,
19 Mee e wanga gii dohu nia hiihai o digau huogodoo ala e hagalabagau Ia,
20 Mee e hagaloohi digau huogodoo ala e aloho i de Ia,
21 Au ga hagaamu Dimaadua i nia madagoaa huogodoo.