1 Meenei Dimaadua, haga dagaloaha ina au gi daha mo digau huaidu.
2 Digaula e haga tataele nadau mee huaidu i nia madagoaa huogodoo,
3 Nia holole digaula e hai gadoo be nia holole gihaa daaligi dangada.
4 Meenei Dimaadua, abaabalia au gi daha mo nia mogobuna o digau huaidu,
5 Digau hagamuamua guu hai di nadau hele belee hele au.
6 Gei au ga helekai gi Dimaadua, “Ma Kooe di God ni oogu.”
7 Meenei dogu Dagi go Yihowah, dogu Dangada Hagamaamaa maaloo,
8 Meenei Dimaadua,
9 Goe hudee heia ogu hagadaumee gi aali.
10 Heia nia malala gaa gi monnono gi hongo digaula,
11 Hudee heia digau ala e hai baahi tilikai gi nia daangada la gii gila.
12 Meenei Dimaadua, au e iloo bolo Goe e hagamaamaa nia donu o digau hagaloale,
13 E donu, digau ala e haihai nia mee donu ga hagaamu Goe.