1 Au e aloho i Dimaadua, i Mee dela e longono Ia au.
2 Mee e hagalongo mai gi di au, malaa, gei au ga gahigahi a Mee
3 Di hagalliga o di made gu haganiga mai au,
4 Gei au gu gahigahi Dimaadua, ga helekai,
5 Dimaadua le e manawa dumaalia ge e humalia, tadau God le e honu i tumaalia.
6 Dimaadua le e hagaloohi digau ala gu deai nadau hagamaamaa ai.
7 Dogu hagataalunga nei, hagadagadagagee,
8 Dimaadua la ne haga mouli au mai i di made.
9 Malaa, au e heehee i mua o Dimaadua i lodo tenua digau mouli.
10 Dogu hagadonu le e hana hua beelaa, ma e aha maa au gu helekai boloo,
11 mo dogu madagoaa ma ga madagu, ga helekai,
12 Ma di aha e mee di hui e tigidaumaha ko au gi Dimaadua,
13 Au gaa hai dagu tigidaumaha waini gi Dimaadua,
14 I lodo di hagabuulinga o ana daangada huogodoo,
15 Dimaadua le e manawa gee huoloo i tangada e dahi i ana dama dela ma gaa made!
16 Meenei Dimaadua, au tangada hai hegau ni aau.
17 Au ga tigidaumaha adu gi di Goe tigidaumaha o di danggee,