1 Hagaamu ina Dimaadua!
2 E hagagoboina huoloo go nia hagadilinga mee ala e haihai go Dimaadua!
3 Nia mee huogodoo a Maa ala e hai le e honu i di hagalaamua mo nia hagalabagau.
4 Dimaadua hagalee hai gidaadou gi de langahia ana hegau haga goboina.
5 Mee e dahi aga ana meegai gi digau ala e hagalaamua Ia.
6 Mee gu haga modongoohia ana mogobuna gi ana daangada
7 Mee e manawa dahi ge e donu i nia hagadilinga mee huogodoo a Maa ala e hai.
8 Nia maa e waalooloo hua beelaa i nia madagoaa huogodoo.
9 Mee ne hagamehede ana daangada gaa hai dana hagababa dono hagaodi ai
10 Di ala dela e hidi ai di kabemee la dela e hagalaamua Dimaadua.