1 Meenei God, au e hagaamu Goe, Goe hudee noho deemuu!
2 Digau huaidu mo digau hai kai tilikai e hai baahi mai gi di au.
3 Digaula e helekai nia mee huaidu i di au,
4 Digaula e hai baahi mai gi di au ma e aha maa au e aloho i digaula,
5 Digaula e hai hui gi di huaidu i agu hegau humalia,
6 Dongo ina dau dangada hai gabunga huaidu e gabunga dogu hagadaumee.
7 Gabunga ina a mee gii gida bolo mee gu ihala.
8 Di mouli o maa gi hagaodia haga limalima.
9 Nia dama a maa gii hai nia dama nadau maadua ai,
10 Nia dama a maa gii hai nia gau madamadau mee, nadau hale ai,
11 Digau ala e boibana ginai mee gi kaina nia goloo o maa huogodoo,
12 Tangada gi hudee aloho i mee, be e benebene nia dama a maa ala ne diiagi.
13 Di hagadili o maa huogodoo gii mmade,
14 Dimaadua gi langahia nia huaidu o nia damana mmaadua o maa,
15 Dimaadua gi langahia nia huaidu digaula i nia madagoaa huogodoo,
16 Taane deelaa la ono hagamaanadu i ono lodo bolo ia e hai di humalia ai.
17 Mee gu hiihai e haga halauwa nia daangada, heia a mee gi halauwa!
18 Mee gu wouwou di haga halauwa nia daangada
19 Nia haga halauwa o maa gi gahu ina a mee gadoo be nia gahu,
20 Meenei Dimaadua, daaligidia ogu hagadaumee gii hai be agu helekai ne hai,
21 Meenei Yihowah dogu Dagi, hagamaamaa ina au e hagalaamua do ingoo,
22 Au tangada hua hagaloale ge e haadanga balua. Dogu manawa guu mmae huoloo.
23 Au gu hoohoo bolo ga hagalee gadoo be di malu o di hiahi.
24 Ogu duli gu paagege i nia meegai ne hagalee.
25 Nia daangada ma ga mmada mai gi di au, le e gadagada mai gi di au.
26 Meenei Yihowah, go dogu God, hagamaamaa ina mai au.
27 Heia ogu hagadaumee gi iloo bolo ma Kooe dela e haga dagaloaha au.
28 Holongo digaula e haga halauwa au, gei Goe ga haga maluagina au.
29 Ogu hagadaumee la heia gi langaadia huoloo.
30 Au gaa hai dagu danggee gi nua loo gi Dimaadua.
31 idimaa mee dela gu haga dagaloaha ana daangada hagaloale