1 Dogu hagataalunga nei, hagaamuina Dimaadua!
2 Goe e gahu gi di maalama. Goe ne holo di langi be di hale laa,
3 gaa hau dau hale i nonua, i hongo nia wai i nua.
4 Goe e haga hai hegau nia madangi gadoo be nia daangada kae hegau ni aau,
5 Goe ne haga noho henuailala gi mau dangihi gi hongo dono hagamau,
6 Goe ne gahu henuailala gi di moana gadoo be di gahu laa daha,
7 Do madagoaa ne hagabuhi gi nia wai, gei nia maa guu llele gi daha.
8 Ma ne llele ia i tomo nia gonduu e llele gi nia gowaa baba,
9 Goe guu dugu dau haga geinga dela e deemee di hula nia maa nonua,
10 Goe ne hai nia monowai uwa aga gii hali gi lodo nia gowaa baba,
11 Nia wai aanei le e haga inu nia manu ala i lodo henua,
12 Nia manu mamaangi e hai nadau waehongo i tomo nia laagau
13 Goe e haga doo dau uwa mai i di langi gi hongo nia gonduu,
14 Goe e haga tomo nia geinga tolo ang gi nia kau,
15 mo di huwa mai nia waini ala e haga tenetene gimaadou,
16 Nia laagau ‘cedar’ o Lebanon gu haga magalillili hagahumalia,
17 Nia manu mamaangi e hai nadau waehongo i lodo nia laagau aalaa,
18 Nia kuudi lodo geinga e noho i tomo nia gonduu i nua,
19 Goe dela ne hai di malama belee hagailongo nia malama o di ngadau,
20 Goe ne hai di boo, gei di madagoaa ma ga bouli,
21 Nia dama laion e nguunguu i nadau madagoaa ma ga gumigumi nadau mee e gai,
22 Di madagoaa di laa gaa hobo,
23 Gei nia daangada gaa hula gaa hai nadau moomee, gaa dae loo gi di hiahi.
24 Meenei Dimaadua, au mee ala ne hai le e logowaahee huoloo!
25 Dau moana e damanaiee ge palaha,
26 Nia wagabaalii e deledele i hongo di maa,
27 Nia mee aalaa huogodoo e hagadagadagagee adu gi di Goe,
28 Goe e wanga nia maa gi digaula, gei digaula gaa gai nia maa.
29 Maa Goe gaa huli gi daha mo digaula, gei digaula ga mmaadagu.
30 Malaa, maa Goe gaa wanga do dogidogi gi digaula, gei digaula ga mouli.
31 Nia madamada o Dimaadua gi waalooloo hua beelaa ga hana hua dee odi!
32 Mee e mmada hua gi henuailala, gei henuailala ga ngalungalua.
33 Au ga daahili ang gi Dimaadua i di waalooloo o dogu mouli.
34 Au e hiihai bolo God gi manawa tene gi dagu daahili,
35 Digau huaidu la gi daaligidia gi daha mo henuailala,