1 Di gowaa i golo e mee di geli aga nia silber.
2 Nia daangada e geli aga nia baalanga i lodo nia gelegele,
3 Nia daangada e hula loo gi lodo nia gelegele i di gowaa llala loo.
4 Digaula e geli nadau bongoo gi lala loo
5 Nia meegai e tomo aga i henuailala,
6 Nia hadu hagalabagau ‘sapphire’ e hagahonu i lodo nia hadu o henuailala,
7 Deai dahi manu e gidee di ala dela e hana gi di gowaa
8 Deai di laion be tei manu e haele i di ala lomo deenei ai.
9 Nia daangada e geli aga nadau hadu ala e mau dangihi,
10 I di nadau geligeli i lodo di bongoo deelaa,
11 Digaula e geli loo gi lala gii tugi nia wai,
12 Malaa, dehee laa di gowaa dela e gida ai di kabemee?
13 Di kabemee e deemee di gida i baahi o nia daangada dangada.
14 I tua di moana mo i lala di tai e helekai
15 Deai tangada e mee di hui di maa gi nia silber mo nia goolo ai.
16 Nia goolo mono hadu hagalabagau ala koia e humalia huoloo
17 Di kabemee e koia e hagalabagau huoloo i hongo nia goolo,
18 Di kabemee le e koia e hagalabagau huoloo
19 Nia hadu ‘topaz’ ala koia e humalia mo nia goolo ala koia e madammaa
20 Malaa, dehee laa di hagamau o di kabemee?
21 Deai dahi mee mouli e mee di gidee di maa ai,
22 Di hagahuaidu mo di made hogi, meemaa e helekai hua bolo ginaua
23 Ma go God dela e iloo di maa, e iloo di gowaa dela e gida ai di maa,
24 idimaa Mee gu gidee di hagalawa o henuailala,
25 Di madagoaa God ne dugu anga di mogobuna gi di madangi,
26 mo di madagoaa God ne hagamaanadu be di uwa
27 deelaa di madagoaa o Mee ga gidee di kabemee,
28 God ga helekai gi nia daangada dangada,