1 Gei Job ga helekai,
2 “Ma e aha dela goodou e haga mmaemmae au gi nnelekai?
3 Nia madagoaa e hagadau, gei goodou e hai au hagahuaidu,
4 Ma e aha maa au gu ihala, le e hai dana aha adu gi goodou?
5 Goodou e hagabau bolo goodou e mada humalia i di au,
6 Goodou gi iloo bolo ma go God dela ne hai di mee deenei.
7 gei au e wolowolo i dogu hagaduadua deenei,
8 God gu duuli dogu ala, gei au e deemee di hana laa lodo.
9 Mee guu kae ogu maluagina huogodoo, gu hagahuaidu dogu ingoo.
10 Mee gu hagahuaidu au i nia gowaa huogodoo ala i dogu gili.
11 God gu damana dono hagawelewele mai gi di au,
12 Mee gu hagau mai ana gau dauwa belee daaligi au,
13 God guu hai ogu duaahina gi de hiihai mai gi di au,
14 Ogu gau mo ogu ihoo hagaaloho guu hula gi daha mo au.
15 Digau mai i daha ala nogo noho i dogu hale gu de langahia e ginaadou au,
16 Au ga gahigahi dagu dangada hai hegau, gei mee hagalee goou,
17 Gei dogu lodo e de hiihai gi di llamu o dogu dogidogi,
18 Nia damagiigi e haga balumee au, mo di gadagada mai gi di au
19 Ogu ihoo hagaaloho e gulugulua i di au, digau ala e koia e aloho iei au
20 Dogu gili gu galugalua i di gili ogu iwi,
21 “Goodou ala go ogu ihoo hagaaloho,
22 Goodou e aha ala e hagahuaidu au be di hai a God dela ne hai mai gi di au?
23 Au e hiihai huoloo bolo tangada gi langahia agu helekai aanei,
24 Be e hihi gi hongo di hadu gi di mee paa mee baalanga,
25 Gei au e iloo bolo ma tangada i di langi e hanimoi e hagamaamaa au.
26 I muli hogi dogu gili ga hunahuna go di magi,
27 Au gaa mmada gi ogu golomada gi Mee,
28 ‘Dehee tadau hai e mee di hagaduadua a mee?’
29 Gei dolomeenei, goodou gi mmaadagu i tulumanu dauwa