1 Gei Job ga helekai anga,
2 “Uaa, goodou go nia lee o nia daangada.
3 Agu hagamaanadu la koia i hongo godou hagamaanadu,
4 Ogu ihoo hagaaloho e gadagada mai gi di au,
5 Deai godou haingadaa ai, dela e hidi ai goodou e hai daagala i di au.
6 Gei digau gaiaa, mo digau nadau god ai,
7 “Nia mee e logo belee kuulu go nia manu mamaangi
8 Tangi anga gi nia mee mouli o henuailala mo lodo di moana i nadau iloo mee.
9 Nia mee huogodoo e iloo ginaadou
10 Ma go God dela e dagi nia mouli o nia mee huogodoo.
11 E hai gadoo be tolole dela e tene gi deia dela ma gaa momi nia meegai,
14 Maa God gaa oho gi lala nia mee,
15 Di tau maangoo gaa hai, God ne daahi di uwa gi dee doo.
16 “God le e maaloo, gei e aali i nia madagoaa huogodoo.
17 Mee gaa daa gi daha nia iloo mee o digau ala e dagi,
18 ga hagamenege gi lala di king, gaa hai tangada galabudi.
19 Mee ga hagamenege ia gi lala digau hai mee dabu mo digau aamua.
20 Mee gaa hai gi deemuu nia dagi ala e hagadagadagagee ginai nia daangada,
21 Mee gaa hai digau aamua gi langaadia, gaa daa nia maaloo o nia dagi.
22 Mee ga haga maalama di gowaa dela e bouli dongoeho be di made.
23 Mee ga haga maaloo dangihi ge wanga di mogobuna gi nia henua llauehe,
24 Mee gaa hai nia dagi la gi boiboi,
25 Digaula e haahaa nadau lima i lodo di bouli o di boo,