1 Mayat di man-iyaman en sik-a, Diyos ay Kangatoan,
2 Inagsapa ya linablabi ay maikankansiyon
3 Mayat tet-ewa ay ikanta
4 Tan pinaragsak mos sak-en sin nakaskasdaaw ay inamag mo
5 Nakaskasdaaw din inam-amag mo,
6 Adi maawatan di naong-ong ya magay nemnem na
7 din kasasaad di mangam-amag si lawa
8 Ngem sik-a ay Apo di kangatoan si eng-enggana.
9 Amin ay kalaban mo, awni et matey da,
10 Ngem inmipabikas ka ay kaman bomaro ay atap ay baka,
11 Laton ay nailak din naabakan di lawa ay komonkontra,
12 Din nalinteg yan gomabay da
13 Kaman dan kaiw ay naimola sin beey di Apo,
14 Manbonga da olay ad-adoy tawen da,
15 Siya nay mangipaila ay nalinteg din Apo,