1 Sik-a ay Diyos di pankamangak,
2 Bomadang ka tan nalinteg ka,
3 Maiarig kas makneg ay bato ay pantabonak
4 Diyos ko, omisalakan ka koma
5 Tan sik-a, Kangatoan ay Diyos, di pannamnamaak,
6 Sik-a di nantalkak sin intiro ay biyag ko,
7 Ad-adoy masmasdaaw sin biyag ko,
8 Maninsin-agew ay idaddad-at ko
9 Adi ka koman bomaybay-an mo makayak,
10 Tan din kalaban ko yan mantotolag da,
11 Kanan da, “Enggay binaybay-an Diyos sisya.
12 Apo, somag-en ka koma,
13 Din omipabpabasol et sapay koma
14 Mo sak-en pay, kanayon ay mannamnamaak en sik-a,
15 Idaddad-at kon to din siged ay inam-amag mo.
16 Enak idaydayaw sik-a, Apo,
17 Initdoam sak-en manipod sin kakitkittoy ko,
18 Isonga olay naobananak si kinalakay ko,
19 Edasanad daya din kinalinteg mo,
20 Inpawadam di problima ya ligat ko,
21 Masepsep ay ipangatom din dayaw ko
22 Sik-a ay Diyos ko, mankantaak ya mantokarak si arpa
23 Ipigsak din kantak ay mangidayaw en sik-a,
24 Maninsin-agew ay idaddad-at ko