1 Baken koman say distolbo en sik-a
2 Tan nabeas ya mola di kaiarigan da,
3 Si Diyos et di talkem
4 Malaydan ka koma ay mansilbi en Diyos ay wadad daya,
5 Italek mon biyag mo en sisya et tolongan daka.
6 Paneknekanan to ay siged ya nalinteg ka,
7 Sin sangoanan Diyos, gominek ka koma
8 Din apal ya bonget et pandokogam,
9 Tan madosa dan to din mangam-amag si lawa,
10 Baken bomayag et mamaga din mangam-amag si lawa,
11 Ngem din napakombaba et okaen da din daga,
12 Din mangam-amag si lawa et man-gayetget das bonget da
13 Ngem si Diyos pay et sis-iyekanas daida,
14 Din makedse et isagana da din kampilan ya pana da
15 Ngem din kampilan da di mamse sin mismo ay awak da
16 Din at-atik ay sanikwan di nalinteg et nabanbanol da
17 Tan kaanen Diyos din kabaelan di ipogaw ay lawa,
18 Ay-ayowanan Diyos din managtongpal en sisya
19 Sin timpon di ligat, adi dan maligatan,
20 Ngem din kalaban Diyos ay din mangam-amag si lawa,
21 Man-otang di managbasol yan adi dan manbayad,
22 Din binindisyonan Diyos et okaen da din daga
23 Si Diyos di mangitdo si kosto ay danan tako
24 Olay mo maisokba tako, kasin takon bomangon,
25 Manipod sin kakitkittoy ko engganas nakayak,
26 Kanayon ay nakasagana
27 Dokogan yo din lawa ta din siged di amagen yo
28 Tan si Diyos et din kinalinteg di laydena
29 Din nalinteg di mangoka sin daga
30 Din nalinteg et kostokosto din kali na,
31 Nenemnemena din bilbilin di Diyos na
32 Din managbasol et siimena
33 Ngem adi baybay-an Diyos sin panakabalin di kalabana,
34 Mantalek kayon Diyos ya mantongpal kayon sisya,
35 Waday enak inila ay lawlawa di nemnem na
36 Idi kasinak nalabas yan maga sisya,
37 Ilaen yo din matalek ya siged di ogali da,
38 Ngem din managbasol et mamingpingsan ay madosa da
39 Isalakan Diyos ya salaknibana
40 Badangana ya isalakanas daida