1 Man-iyamanak en Diyos si am-in ay timpo,
2 It-ek ko gapo sin kinasiged na.
3 Maitapi kayon sak-en ta man-es-esa tako
4 Nankararagak en Diyos yan sinongbatana,
5 Din mantalek en sisya et maragsakan da,
6 Nankedaw nan kaseseg-ang ay ipogaw si badang na
7 Bantayan din anghel Diyos din mangipateg en sisya
8 Padasen yo si Diyos ta maammoan yo din kinasiged na.
9 Patgen yo si Diyos, dakayo ay ipogaw na,
10 Olay din layon yan madagaangan da
11 Dengngen yo ay an-ak ko
12 Sino en dakayo di manglayad ay matagotago
13 Addawian yo ngarud ay mankali si etek ya lawa.
14 Dokogan yo din lawa
15 Din nalinteg et bantayan Diyos daida
16 Ngem kontraena din man-am-amag si lawa
17 Dengngen Diyos mo mankedaw da
18 Asag-en si Diyos sin madisdismaya,
19 Din ipogaw Diyos et ad-adoy kapaligatana,
20 Ayowanan Diyos din ipogaw ay sana,
21 Din am-amagen di lawa di nemnem na
22 Isalakan Diyos din mansilsilbi en sisya,