1 Diyos ko, Diyos ko, apay nga tinmaynan ka?
2 Inag-agew ya linablabi ay man-ad-adawagak en sik-a, Apo,
3 Ngem ammok pay dedan ay Ari ka ay nangato.
4 Din ap-apo mi ed bayag et sik-a di nantaltalkan da
5 Inlisim daida sin am-in ay kaeegyat idi nankararag da
6 Ngem mo sak-en, baken ipogaw di omibilangan di iib-a
7 Am-in ay omil-ila et somis-iyek da.
8 Kanan da, “Mo siya ay si Diyos di nantalkam,
9 Ngem sik-a met ay Diyos di inmay-ayowan sin naianakak,
10 Naitalekak en sik-a manlogi sin naianakak,
11 Adi ka koma tomaytaynan
12 Din linmilikob ay kaibaw ko, palalo ay ad-ado da.
13 Kaman manngangaed ay layon ay manatakaw si tepek da,
14 Isonga din bikas ko et enggay maga
15 Enggay namgaan di bagang ko,
16 San bonggoy di makedse ay ipogaw et linmikob da,
17 Am-in abe ay tong-ak et mabalin ay bilangen da,
18 Din badok et nanbibingayan da,
19 Sik-a ay Diyos, baken koma sin addawi di panteam,
20 Es-esa et anggoy di biyag ko,
21 Salaknibam sak-en tan kaman dan layon ay en omisida
22 Idad-at kon to din maipanggep en sik-a sin gimong di aag-i,
23 “Dakayo am-in ay mamatpateg en Diyos, idaydayaw yos sisya,
24 Tan adi binaybay-an Diyos din kakaasi ya maligligatan,
25 Begew sin inam-amag mo et idaydayaw kos sik-a
26 Mangan din nabibiteg enggana ay mabsog da,
27 Am-in ay nasyon isnan daga et bigbigen da
28 Tan si Diyos di ari ay mangituray sin intiro ay daga.
29 Din babaknang et makikan ya mandokmog da en sisya,
30 Din kapototan tako sin maodi ay timpo
31 Maibaga abe sin ipogaw ay daan bomala