1 Man-iyaman tako en Diyos tan siged sisya,
2 Dakayo ay insalakan Diyos, ibagbaga yo koma
3 et manipod sin amin ay solin di lobong, sininop nas dakayo.
4 Din odom et linmikeliked da sin lugar ay magay omili,
5 Enggay nakaan din namnama da
6 Ngem idi maligligatan da,
7 Inturong nas daida sin kosto ay pandanan da
8 Man-iyaman da koma en Diyos sin adi manbalbaliw ay layad na
9 Tan olay sino ay manbigaw yan pan-inomena,
10 Enggay mabolinget di kad-an di odom en daida,
11 gapo ta kinontra da ya en da sinigaan
12 Inpababa na di nemnem da sin naligat ay obla da.
13 Ngem nankedaw da si badang Diyos sin ligat da ay sana
14 Winayawayaanas daida sin mabolinget ay kad-an da,
15 Man-iyaman da koma en Diyos sin adi manbalbaliw ay layad na,
16 Tan din bronsi ay eneb yan dinadael na
17 Waday odom ay naong-ong et nadosa da
18 Isonga amin ay makan yan sigsigaan da
19 Ngem nankedaw da si badang Diyos sin sana ay ligat da
20 Inbilina et naagasan da,
21 Man-iyaman da koma en Diyos sin adi manbalbaliw ay layad na,
22 Masapol abe ay man-idaton da en Diyos si pan-iyamanan da
23 Din odom yan wada da sin bapor sin baybay ay makilaglagbo,
24 et inila da din nakaskasdaaw ay inamag Diyos Apo.
25 Tan inbilina ay mandagem si napigsa,
26 Dinalapos da din bapor et komayang ya bomaba,
27 Mandapidapig da ay kaman ad-adoy ininom da,
28 Ngem nankedaw da si badang Diyos sin ligat da
29 tan inpaginek na din pewek ya dalloyon ay sana.
30 Peteg di layad da tan din baybay yan tinmalna,
31 Lebbeng na koma ay man-iyaman da
32 Idaydayaw da koma din kinangato na
33 Mabalin ay mamgaan din ginawang mo laydena,
34 Kabaelana ay panbalinen din siged ay lota si magay silsilbi na
35 Ngem kabaelana abe ay pawadaen di posong sin kadardaratan
36 Ipalobos na ay isdi di pantean
37 Molaan da din papayew ya kaobasan da,
38 Bindisyonana din ipogaw na et omad-ado din an-ak da.
39 Mo maabak din ipogaw Diyos ya maibabain da
40 ipailan Diyos din liget na sin mamalpaligat en daida
41 Ngem din maligligatan et isalakana,
42 Malaylaydan da din nalinteg ay makaawat isna,
43 Din nalaing ay ipogaw yan nemnemen da koma dana,