1 अ ङानैं ङामेंर, परमेस्वरए ओपाँ पैन्यात कोभा मिँ केर्घे ताजैसिच्यो। अर्कालाई है दाज़्यावए नो य़ेनत उबिरैकिन परमेस्वरए नोलाई उपुर्कावराकिन कर्रास फाल्रिज़्याव लिन्या जे ज़ जेसैंज़्या।
2 गे प़ाइँए कुधु पाँ बिरैद गेदोज़्या। खाली जो मिँए ओसेलाई जोगोइद पाँज़्या, हो वाज़ ओखत माल्यो पैधुन्याकाव ताज़्या। निताव मिँए ओक्याँ भरिलाई ब काबु जैधुज़्याव।
3 नाःल्दिउ घोरालाई ब काबु जैन्याए जूँनी ओयाःल लगाम झाःद गेएकिन जोदा गेयुँ लिज़्या होदा ज़ गेलाँधुज़्या।
4 घेप्पा ऱी जहाज चलैज़्याव मिँए ब जती घ्योःव बतास उहुदी ब जहाजलाई दल्कैज़्याव तकेज़ा दाबीए जोदा उयुँ लिज़्या होदा ज़ लाँज़्याव।
5 हो मिताव ज़ गेक्याँताव तकेज़ा गेसेए ब ‘अइ ङाजैरिज़्या, है ङाजैरिज़्या’ लिद छे छे ङम्सिउर पाँज़्या। |src="HK00191B.TIF" size="span" ref="३:३"
6 हो मिताव ज़ गेसे ब तोबो मेंः स्यासो ज़ लिज़्या, आव गेक्याँताव भरिरानी बनै अपराधी लिज़्या। नाःल्दिउ गेक्याँलाई ब नोए ज़ बले·ज़्याव। नर्गलाव मेंः रैद गेजुनीलाई ब हिप्द्यासिज़्याव।
7 प़ाइँ किसिमलाव जै जन्तुर, नमताव भुर्ज़्यावर, नामलाव गोल्ज़्यावर, ऱीलाव लिज़्यावर, प़ाइँलाई मिँराए ज़ याराउगुनैज़्यार।
8 खाली आःपै सेलाई ते सुए ज़ माउगुनैधुव। नो बनै ओधास ल्यो खर्क ज़ च़िम दाद मालिन्या छे छे ङम्सिउ लिज़्या।
9 नो सेए ज़ गेबाबु परमेस्वरए उमिन ब सघ्योःद गेएज़्या, नो सेए ज़ परमेस्वरए उसुरूपनी जैसिउ मिँलाई सराप ब गेएज़्या।
10 तोबो याःनी ज़ असिक ब पुलुस्ज़्या, थल्न्या ब पुलुस्ज़्या। अ ङानैं ङामेंर, इताव ते माताव परिन्या।
11 तोबो ऱीमुलनी ज़ ङमो ऱी स़ोनो काव ऱी उहुज़्याव रो?
12 काता नेभारा सींत जैतून ओसैज़्याव रो? सैं जोम्परसैत नेभारा ओसैज़्याव? हो मिताव ज़ काव ऱीमुलनी खर्क ज़ ङमो ऱी माहुए।
13 जेनी सुवार परमेस्वरए ओपाँ सैंन्यार जेलिकिन नोए मासघ्योःसिद तहस ओदोज़्यावनी वाज़ सैंन्या गराँन्या ओरैंःक।
14 फरी जो मिँए खिस्द स॰द ओदोकिन नो मिँ सघ्योःसिद परमेस्वरए ओपाँलाई ब बले·ज़्याव।
15 नो खिस्ज़्याव मिँए उयुँ परमेस्वरए ल्योनी हुव माःक, नोए उयुँ मानुवानी स़ोनो सैतानए ल्योनी हुव ची।
16 काराव ल्यो ताकिन जोक क्याँलाई तान्या स़ोनो खिस्न्या ताज़्या, होक माखैन्या स़ोनो इ़सिन्या वाज़ ताज़्या।
17 परमेस्वरनी हुज़्याव युँ ते छैंव ब ताज़्या, सखैव ब दोज़्याव, उघुरिउ बोमो युँ ब जैद्याव दोज़्याव, गराँव युँ ताद चाव य़ेन दाव परींव दोज़्याव, ओकप्तैं माल्यो, मिँ रँःद मादान्या जैव ब दोज़्याव।
18 परमेस्वरनिकाव युँ दैव मिँए ओपाँ बनै चाव धुर स्यासो ताज़्या। जोक वास्ज़्याव होक ज़ प़ाइँलाई सखैद परमेस्वरए उयुँलाव मिताव जैव दोज़्याव।