1 येसु उसिसरास यरूसलेम छ्योकाव जैतून दाँदाकिन जाँ होकसैकाव बेथफागे नाखार याकेस्नावत येसुए ऩेब्लो उसिसनिलाई,
2 “जिन आव गेङ़ाकाव नाखारल बाचिन्केदा, नल तोबोक गधाहानी ज़ा-मा सुर्सिउनी दैन्या जिन्ले। नोनिलाई पला·द यारारैचिन्के।
3 सुवाराए, ‘काराव पला·द जिन्रालाँज़्याव?’ है यादाचिन्किन, ‘गिनप्रभुलाई चाहिज़्या,’ है जिन्रादोकिन नोराए हतप्त ज़ परींद्यान्या लेर,” है लिद निपरींक्यो।
4 नो पाँ भरी अगमबक्ताए ओसरो पाँ सयो·न्याए जूँनी ताके। नो सर्सिउ आव ज़,
5 “सियोनए ओज़ालाई है दोक्यो,
6 है जैद नो ऩेब्लो उसिसनी येसुए है उनिदोव मिताव ज़ नाखारल बाद,
7 नो गधाहानिलाई दैद येसुए ल्योक रैद उसिसराए तोबो गधाहाए ओतर्त याक्वार झाःद्याद येसुलाई चेपो परींकेर।
8 नकाव लिज़्याव माहोल्याराए याक्वार येमल तैंदिकेर। ख्वाराए फरी नजीलाव स्यावलार रैद येमल तैंद्याद,
9 नो माहोल्यार ख्वा येसुए ओङ़ात ख्वा उछींत जैसिद अइ लिद क़िए क़िए बाकेर,
10 नोर यरूसलेमल याकेसोत नो सहरलाव मिँराए ‘आव सु ओताव?’ लिद काला मुलु ताकेर।
11 ओलस हुज़्याव माहोल्याराए, “आव गालीललाव नासरतनी हुव अगमबक्ता येसु ज़,” है यारादोकेर।
12 नकिन येसु ध्यान झ़िमल पसिद नलाव लँःज़्यावर यो·ज़्यावरालाई पले·द पैसा त़ोज़्यावराए यातेबलर पल्तैद्याद, कुइतम यो·ज़्यावराए याकुर्चीर ब ख्याद्याद,
13 “धर्मसास्त्रल परमेस्वरए ओपाँ इताव सर्सिउ लिज़्या, ‘ङा ङाझ़िम पोंखारिन्या झ़िम जैसिउ लिज़्या।’ जे ते झन आवलाई चोरराए पुप मिताव जैद जेनै,” है लिद याखेपैक्यो।
14 नकिन नलाव काना दूँदार ध्यान झ़िमल येसुए ल्योक याहुक नोरालाई यासगराँक्यो।
15 येसुए निताव अचम्बलाव य़ेनर ओदोव रँःद, स़ोनो ध्यान झ़िमलाव ल़ुज़ाराए ‘होसन्ना! दाऊदए ओथोलाव येसुलाई दाइनो दाइनो ओताक’ लिद याक़िज़्याव थैद नलाव मुख्या पुजारीर स़ोनो सास्त्रीर यारिस चोद,
16 येसुलाई, “आवराए याक़िज़्याव नँ ज़ नथैज़्याखेहो, काराव च़िम दाव नमारापरींज़्याव?” है यादोक ते, येसुए, “हैज़, ङा थैव ज़ ङालिज़्या। धर्मसास्त्रलाव सर्सिउ,
17 नोरालाई ख्यानैद सहरनी पुलुस्द बेथानिया नाखारल बासिनाके।
18 हो पराःती छकाल्न्या फरी यरूसलेमदा ओल्द ओबाज़्याक ओकरेए,
19 येम छ्योक ओख्यार ल़पलपौ तोबो नेभारा सीं रँःद ‘ओसैर ले सैं’ लिद उचिऊनाक ते ओसै तोबो ब मादैक्यो। ओख्यार वाज़ रँःद नो सींलाई, “आकिनी नसै काता ज़ ताताक,” है ओदोव प़ाइँना ज़ नो सीं थँके।
20 निताव रँःद उसिसर अचम्ब ताद, “आव सीं कै जैद बेहार ज़ उथँव?” है लिकेर।
21 येसुए फरी, “ङा जेलाई साचो है ङादाचिज़्या, युँ सुहुप्द तयुँ जैकिन आव नेभारा सींलाई ङाजैव मिताव वाज़ माःक, तोबो हाँलाई ‘नँ नतिन भोस्द समुन्द्रल ख्यासिन्के,’ है दाकिन, नो हैज़ तान्या ले।
22 है जैद जे जोत मनी जेयुँ हुप्द जेपोंखारिकिन नो दैन्या ज़ जेले।”
23 येसुए ध्यान झ़िमल ओपाँ ओरासथैज़्याक नलाव मुख्या पुजारीर स़ोनो यहूदीराए यास़ेरर हुद येसुलाई, “आव नदोज़्याव य़ेनर नँलाई सुए है उदींव, सुए हक उईंव?” है यादोक ते,
24 येसुए, “ङा ब जेलाई तोबो है ङादाचिदा, नोए ओजवाप जेयाँकिन ङा ब आव य़ेन दान्या हक सुए ओयाँव है ङादाचिया,” है दाद,
25 “ऱील सछैंज़्याव यूहन्नाए ओय़ेन परमेस्वरए ल्योनी ताव सैं मिँराए ल्योनी ताव?” है ओरादोक ते, नोर या याल, “ ‘यूहन्नाए ओय़ेन परमेस्वरनी ताव’ है गेद्या गेलिकिन, ‘हुकी काराव यूहन्नाए ओपाँ जेमाभैंःव?’ है दान्या ले।
26 फरी ‘मिँनी’ है गेद्या गेलिकिन मिँराए ल्योनी ओछ्यास लिज़्या। मिँ भरिए यूहन्नालाई अगमबक्ता ज़ है लिद थ·रैद नैर,” है लिद,
27 नोराए येसुलाई, “गेमासैंए,” है दोकेर। हाःत ज़ येसुए मनी, “हो ची ताकिन्दा ङालाई आव य़ेन दान्या हक सुए ओयाँव ङा ब है ङामादाच्यो।”
28 “जे आव पाँलाई फाल्चिके — तोबोए ओज़ानी ऩेब्लो निल्यो दी। नो निबाबु जेथाए ओल्योक बाद, ‘अ ङाज़ा, आछिम नँ ङाएँःल य़ेन दानाद्याव ताके,’ है ओदोक ते,
29 ‘ङा ङामाबा, बाबु,’ है दोक्यो दी। खाली छींनी ते उयुँ फर्कैद बाके दी।
30 हिताव ज़ फरी नो कान्छा ओज़ालाई है ओदोनाक, ‘ताए बाबु, ङा ङाबाया,’ है ते दोक्यो दी। खाली छींनी ते माबाके दी।
31 है जैद नो ऩेब्लोनी काताकावए निबाबुए ओपाँ दोन्या?” है ओरादोक ते, “ङामाबा है लिद बाव ज़ ताखेहो,” है दोकेर। नाःत ज़ येसुए, “ङा जेलाई साचो है ङादाचिज़्या, हिताव ज़ सिर्मा स्यो·ज़्याव पापीर स़ोनो पातर्नी मेंमार जेकिन ङ़ादा परमेस्वरए ओराज्याल बान्या लेर।
32 यूहन्नाए जेल्योक धर्मलाव येम सतैंना हुके, जे ते नोए ओपाँ जेमाभैंःके। झन सिर्मा स्यो·ज़्याव पापीर स़ोनो पातर्नी मेंमाराए नोए ओपाँ भैंःकेर। जे निताव रँःद ब जेयुँ जेमाफर्कैए, भैंःन्या ब जेमाभैंःए।”
33 “फरी आव ब तोबो थैचिके — तोबो धनीए ओएँः भरिल जोम्परसै झाःद प़ाइँनी भार्नाए घिरिद, जोम्परसै पीन्या कोलो ब तोबो झाःद, मिँ लिन्या खोपोरा ब तोबो जैद, नो एँःलाई अधियाल याद ओल तोबो तादा देसङ लिनाके दी।
34 नलाव जोम्परसैर किन्या बेला ओतावत ओय़ेन दाज़्यावरालाई उजुँ भरी च़ानाव यापरींक्यो दी।
35 नो अधिया कमैज़्यावराए झन नोरालाई क्योःद ख्वारालाई याराप़ोकेर दी, ख्वारालाई लुँ लुँराए याराझेःकेर दी, ख्वारालाई यारासैःकेर दी।
36 फरी छींनी जाँ माहोल्या ओय़ेन दाज़्यावर ओरापरींक होरालाई मनी हैज़ याराजैकेर दी।
37 “प़ाइँरानी छींत ओज़ालाई ‘आवलाई ताकिन ओमान नैदिर सैं’ लिद नोलाई परींक्यो दी।
38 खाली नो अधिया कमैज़्यावराए ओज़ा उहुज़्याव रँःद या या पाँसिद, ‘आव ते एँः दैन्या मिँ ची। नोलाई सैःद आव एँः गेमी ज़ गेजैया’ लिद,
39 नोलाई क्योःद नो एँःनी पाखाङ लाँद सैःकेर दी।”
40 नकिन येसुए नो मुख्या पुजारीर स़ोनो यहूदीराए यास़ेररालाई, “नो एँःए ओर्गेए अधिया कमैज़्यावरालाई कै याजैवके, है दाँचिके,” है ओरादोक ते,
41 नोराए, “निताव याफ्या·हुवरालाई सफ्या·द नो एँः बेला बेलाक ओल उजुँ यान्यारालाई यान्या ले,” है दोकेर।
42 हाःत ज़ येसुए फरी, “जे आव धर्मसास्त्रलाव पाँ जेप़रिखेहो,
43 है जैद ङा जेलाई है ङादाचिज़्या, परमेस्वरए ओराज्या जेलाई नैंद उगुन मामेंःद ओय़ेन दाज़्यावरालाई यान्या ले।
44 फरी जो मिँ नो भुयाँरलाव लुँत पाज़्या ओल ज़ कुतु कुतु तान्या ले। नो लुँ फरी ओतर्त उहुकिन झन नप नप ज़ तान्या ले।”
45 नो मुख्या पुजारीर स़ोनो फरिसीराए येसुए ओपाँ थैद, “आव पाँ भरी ते गेङ़ैत झाःद ची पाँके,” है लिद,
46 येसुलाई क्योःव पैंकेर। खाली ओलस लिज़्याव माहोल्यारालाई रँःद छे·केर, काराव ल्यो ताकिन नो माहोल्याराए येसुलाई अगमबक्ता ज़ है यादोज़्याव।