1 है जैद गे गेथैज़्याव परमेस्वरए ओपाँत झन ज़ धिद ल्यो ताके, म़ानी तँदा बान्या ओछ्यास लिज़्या।
2 परमेस्वरए मिँरालाई ओचाकर्यारानी ओरायो कानुन थ॰रिउ ओतावए नो कानुनलाव पाँ मादाद याख्यावनी सजा ब दैकेर।
3 गे झन प्रभुनिकाव नाःल्दिउ बाँचैन्या पाँ गेमाभैंःकिन कातानी ची नो ओसजानी उस्किउ गेदैरिज़्याव? नो पाँ ङ़ादा गेप्रभुए ओल ज़ ओरासथैज़्याव। हाःकिन गे फरी नो पाँ भरी ओलसकाव लिज़्यावराए ल्योनी गेदैके।
4 परमेस्वरए फरी नोराए यापाँ थ·रैद्यान्याए जूँनी अचम्बलाव ओय़ेनर दाव परींद ओसरेसर सतैंद याएक्यो। स़ोनो छैंव पुरूसनिकाव बरदानर ब ओल ओपैंज़्याव मितावनी भाःद याएक्यो।
5 गे नो हुरिज़्या है गेलिज़्याव परमेस्वरए ओराज्या ओल ओचाकर्याराए याकुइत ते नैद मारायो।
6 धर्मसास्त्रल ब तोबोए अइ लिद सर्द नैव,
7 नँ जाँवा पै नमताव नचाकर्याराकिन मिँलाई ज़िम्ज़ा नजैके।
8 ताव भरी ब होए उधूँल ज़ जैद नएके।”
9 नो धर्मसास्त्रलाव पाँ भरी येसुए ओक्याँत वाज़ थ॰रिउ लिज़्या। आव मानुवाताव मिँराए जूँनी परमेस्वरए उयुँ ओनावए नो सिन्याक पै सज़िम्सिद हुके। परमेस्वरए ओचाकर्याराकिन जाँवा पै सज़िम्सिउ नो ज़ लिज़्या। मिँराए जूँनी उजिउ झाःद ओरायोनी परमेस्वरए सघ्योःद बनै ओमान ल्यो ओजैव ब नोलाई ज़।
10 ताव भरी ओल उजूँनी ओल ज़ जैज़्याव परमेस्वरए गे मिँरालाई ओज़ार जैद ओज़गैल रैन्या पैंक्यो। है जैद गे प़ाइँलाई बाँचैन्याए जूँनी ओज़ा येसुलाई मिँराए यादैज़्याव मिताव दुखर सहिउ परींन्या ज़्यासो लिज़्या लिन्या थ·रैक्यो।
11 गेलाई परमेस्वरए उयुँलाव मिताव छैंवर जैद ओबाबुस सखैज़्याव येसुस तोबोए ओथोर ज़ गेताज़्या। है जैद गेलाई ‘ङाभाइर’ है दान्या ओलाज माहुइ।
12 नोए उजूँनी धर्मसास्त्रल इताव सर्सिउ लिज़्या,
13 फरी तोथोल,
14 परमेस्वरए ओज़ार मिँर तान्या ओतावए ओल ओज़ा येसु मनी नोराए जूँनी मिँ ज़ मिन्सिद सिके। नितावनी ज़ सिन्या सजाल झाःज़्याव सैतानए ओहक ख्यादिक्यो।
15 स़ोनो, सिन्या ताया लिद छे·द याजिउ भरी दुखस लिज़्यावरालाई ब यापले·क्यो।
16 येसु परमेस्वरए ओचाकर्यारालाई माःक, अब्राहामए ओथोरालाई सघैना उहुव ची।
17 है जैद उयुँ य़ाल्द गे मिँराए गेपापए सजा फो·द्याद परमेस्वरस सखैन्याए जूँनी प्रधान पुजारी जैसिद गेजूँनी परमेस्वरस पाँद्यान्याए जूँनी ओल येसु प़ाइँल ज़ गे मिँ स्यासो ताव ज़ उपरिज़्याव।
18 ओल ब प़ाइँ दुखर दार्द जाँचिसिद उथ॰रिउनी वाज़ गे मिँरालाई गेयुँए बले·द माचावल ओपारैसिज़्याव भरिल जोगोइव धुव।