1 है जैद मादान्या य़ेन भरी ऱासो ताके — धुतैन्या, कप्तैं दान्या, मी तून्या, छुलैं पुलैं दान्या — आव भरी ऱास्च्यो।
2 साःरो जुनील पाखो तानान्याए जूँनी भाउज़ाए नुइँ उखिम्ज़्याव मिताव जे ब परमेस्वरए छैंव ओपाँए ओअर्थ खिम्च्यो।
3 काराव ल्यो ताकिन जे गेप्रभुए उगुनर दार्द जेनै।
4 गेप्रभु येसुए ल्योदा हुचिके, हो गजलाव जींदो लुँ ज़। नोलाई झन मिँराए ‘माचाहिए’ लिद ख्याकेर। खाली परमेस्वरए ते नोलाई छाँतिद बनै ओएः ल्यो थ·रैक्यो।
5 जे ब जींदो लुँ स्यासो जैसिद परमेस्वरनिकाव ताज़्याव झ़िमत ऱीम्सिहुचिके। जे नल छैंव पुजारीर ताद परमेस्वरए ओपैंज़्याव युँनिकाव पुजार येसु ख्रीसनी चरैःचिके।
6 धर्मसास्त्रल मनी इताव सर्सिउ लिज़्या,
7 जे नत जेयुँ हुप्ज़्यावरालाई आव बनै ओएः ल्यो लुँ लिज़्या। यायुँ माहुप्ज़्यावराए जूँनी ते इताव सर्सिउ लिज़्या,
8 फरी तोथोल इताव ब लिज़्या,
9 जेलाई ते हिताव माःक। जे छाँतिसिउ ओथोर, राजाराए याराजाए ओसेवा दान्या पुजारीर, ओल उमिनताव छैंव जात, परमेस्वरए ओथामिचिउ उमींर ज़। है जैद जे गेप्रभुए उगुनर प़ाइँदा सथास्न्याए जूँनी जेलाई चुम चुमोनी पले·द अचम्बलाव ओज़गैल झाःचिक्यो।
10 जे ङ़ादा कान्ल ज़ मागनिसिउर जेल्यो। आज्याल ते परमेस्वरए उमींर ताद जेले। ङ़ादाकिन य़ालो उयुँ मादैवर जेल्यो, आज्याल ते य़ालो उयुँ दैद जेनै।
11 आव मानुवात खासिद लिज़्याव ङायुँलाव ङानैं ङामेंर, जेस ङाबिन्ती लिज़्या — जेयुँ जेमानैधुज़्याव माचाहिउ य़ेनरालाई वैंव ताके। नो पाँराए युँस लरैं दोज़्यार।
12 यायुँ माहुप्ज़्यावराए ङ़ाक चाव य़ेन सतैंचिके। हो ताकिन ची सुवाराए जेमिन बले·द यायाचिदी ब परमेस्वर फरी उहुन्या छ्याम जेय़ेन रँःद ‘आवराए याय़ेन ते चाव ची ओल्यो’ लिद परमेस्वरए उमिन ब सघ्योःन्या लेर।
15 यायुँ माहुबोराए अऩाकलाव माचाहिउ यापाँर चाव जेय़ेनए थाम थुम जैन्या परमेस्वरए उयुँ लिज़्या।
16 जे फुर्सुल जेतावए हितावनी ज़ दोच्यो। खाली, ‘सुए उधूँल ज़ गेमाले’ लिद कोभादा बान्या माःक, बुरू परमेस्वरए उधूँल लिद ओय़ेन दोच्यो।
17 प़ाइँए यामान नैद याराएच्यो। यायुँ हुबो नैं मेंरालाई मया यारादोच्यो। परमेस्वरलाई रँःद छे·च्यो। राजाए ओमान ब नैदिच्यो।
18 जो बाँदा जेलिज़्या, जेसाहुराए यामान नैद्याद याधूँल लिचिके। यायुँ य़ालो स़ोनो चावरालाई वाज़ माःक, अखत्यासोरालाई ब यामान नैद याराएच्यो।
19 जे अऩाकल ज़ मादैन्या दुखर जेदैक परमेस्वरलाई सम्जिद जेसहिकिन नो परमेस्वरए ओपैंज़्याव मिताव य़ेन ज़।
20 माचाव य़ेनत सजा दैद जेसहिकिन नो काता ची ओतारिज़्याव? चाव य़ेनत दुखर दैद जेसहिकिन ते परमेस्वरए ल्योनी असिक जेदैरिज़्या।
21 आव य़ेनए जूँनी ज़ परमेस्वरए जेलाई खुल्द नैचिउ। ख्रीसए मनी जे जेजूँनी दुखर सहिद्याचिक्यो। है जैद उसिलत बान्या येम सतैंद नैसिउ लिज़्या।
22 “होए माचाव य़ेन खर्क ज़ मादोव,
23 याथल्क ब फर्कैद मारायो। दुख याएक ब ‘रँःद नैच्यो’ है मारादोव। बुरू, ‘जो तादी ब चावस फाल्न्या ओल परमेस्वर ज़ लिज़्या’ लिद ओक्याँत ख्यासिद लिके।
24 गेलाई ‘पाप दान्यात सिधुव मिताव जैसिद परमेस्वरए उयुँलाव मिताव य़ेन दान्या घतारक’ लिद क्रुसत तङ्गैसिद गेदोव पाप भरी ओल ज़ घुर्द्यासिक्यो। है जैद नोए ओघाइनी ज़ जे जेगराँके।
25 जे ङ़ादाकिन ङोइव बेधा स्यासोर जेल्यो, अब ते पाथस नैज़्याव जेर्गे गावलाए ओल्योदा ओल्द हुद जेले।