1 Mwa Guyau! Yoku wala Yaubada tomipuki.
2 Yoku wala kasi toyakala tomota komwaidona.
3 Ammakawala kala woloula tomitugaga bimwasawasi?
4 Ammakawala kala woloula tosula bikaluvalovasi wala,
5 Mwa Guyau! Matausina ikatugigaiyaisi m tomota,
6 Ivakaligaisi kakau deli weilova,
7 Matausina ililivalasi, kawasi, “Tauwau! Guyau gala wala igigisaidasi.
8 Ulo tomota, ammakawami yokomi saina toninagowa yokomi?
9 Yaubada ibubuli taigadasi - ki, sitana ililagi?
10 Matauna ikaraiwogi boda ituwoli ituwoli - ki, ibodiga bimipuki matausina?
11 E Guyau bogwa leinikoli avaka eininamsaisi.
12 Mwa Guyau! Tomota matauna lokukwatululuti bimwasawa sainela,
13 Yoku kuvigaki matauna bivaiwasi ola tuta mwau,
14 Guyau gala bisilavi la tomota,
15 Karaiwaga duwosisia igau bitabani metoya okaboyakala,
16 Ki, availa itokailagu tutala eikoulovaigusi tomitugaga
17 Kidamwa goli Guyau gala bipilasaigu,
18 Yeigu lalivala kawagu, “Mwa Guyau! Lakakapusi!”
19 Avai tutaga aninayuwa deli anokubukubu,
20 Yoku kupaiki matausina toyakala totabilibili.
21 e availa availa ikikeiwalasi bitabinakaisi tobubwaila.
22 Mitaga Guyau itabodaigu,
23 Matauna igau bimipuki matausina paila si mitugaga sainela