1 Mwa Guyau! Tuta komwaidona yoku kuvaulaimasi.
2 Igau gala kububuli koya,
3 Lokububuli tomota metoya opwaipwaia,
4 Yokugwa kudoki lakatuluwotala taitu makawala kwaitala wala yam,
5 Kuvigakaimasi bakatamwausi makawala numla,
6 e nani wala biluwai e bilala,
7 Yoku m gibuluwa bikatumtuwolaimasi,
8 Kusaili ma mitugagasi baisa omatam,
9 Ma momovasi iutupwi metoya om gibuluwa.
10 Paila ma tutasi kweluwolima kweluwoyu taitu wala,
11 Availaga eilumkoli komwaidona m gibuluwa gasisila,
12 Kuvitulokaimasi ammakawala ma momovasi kala kwekukupi,
13 Ammakawala m gibuluwa saina kaduwonaku? Avai tuta biwokuva?
14 Kaukwau bukuvakasauwaimasi metoya om mitakwai,
15 Ibodi tuta baisa bukuyomwasalaimasi,
16 Bukutagwala yakamaisi m towotetila bakagisaisi vavagi makwaisina topilaveka
17 Mwa! Guyau ma Yaubadasi, ibodi bukumitukwaiyaimasi tuta komwaidona.