1 Mwa Guyau! Yoku agu tokwatumova,
2 Kulagi ulo nigada,
3 Yeigu saina abudoboda vavagi mwau bidubadu,
4 Yeigu makawala komwaidosi availa availa makateki bikaligasi.
5 Yeigu bogwa lokusilavaigu oluwalaisi tokwaliga.
6 Yoku bogwa kulavaigu alʹo osikowala laka,
7 E m gibuluwa bogwa eitumkwaigu,
8 Yoku bogwa kuvigaki lubaigwa eisilavaigusi.
9 Matagu bogwa eimama metoya agu mmayuyu.
10 Ki, ibodi bukuvagi kabutuvatusi paila tokwaliga?
11 Ki, sitana ibigitonisi m mitakwai olumoulela laka?
12 Ki, kaina bogwa eigisaisi m kwabutuvatusi mapilana viluwela dubilikitakita,
13 Mwa Guyau! Adou baisa yoku paila pilasi.
14 Mwa Guyau! Avaka paila kupakaigu?
15 Igau otubovaugu e leima lagaila akougoli wala agu mmayuyu, deli avakatitaikina wala kaliga.
16 M gidaleiya saina peula igimsisaigu,
17 Yam kwemwaidona m lewa itavinaigusi itapataigusi makawala sakala.
18 Yoku bogwa kuvigaki lubaigwa tatougu goli eisilavaigusi,