1 Mwa Guyau! Kunakaigalaigu e kuvitakaulokaigu,
2 Kukolaigu metoya okaliga, paila uula akatilavaigu baisa yoku.
3 Yoku ulo Yaubada, mapaila baisa kunokapisaigu.
4 Mwa Guyau! Kuyomwasali m towotetila,
5 Yoku kumitukwaibwailimasi, deli kuligaiwa ma mitugagasi.
6 Mwa Guyau! Kunakaigali ulo nigada,
7 Adou baisa yoku otutala mwau,
8 Mwa Guyau! Gala taitala yaubada makawala yoku,
9 Komwaidona boda ituwoli ituwoli okububuli
10 Yoku saina topeuligaga, deli kuuvagi vavagi saina kabokatubau.
11 Mwa Guyau! Kuvitulokaigu avaka nanom bavagi,
12 Mwa! Guyau ulo Yaubada, yeigu bayakawolaim metoya onanogu komwaidona,
13 Ina vakaigaga m mitakwai paila yeigu!
14 Mwa Yaubada! Tomota tokaluvalova leimaisi mwada avaka bivigakaigusi,
15 Mitaga yoku Guyau Yaubada tonokapisi deli toyebwaili,
16 Kutovilakaigu deli kunokapisaigu.
17 Mwa Guyau! Kuvitulokaigu avai vavagi bibudoki m giyoubwaila.