1 Mwa! Yaubada, kukolaigu.
2 Asisalili wa dumia saina sunusonu,
3 Asomata wala doudou paila pilasi,
4 Matausina eivigimakavaisi wala eivigakaigusi tokukolosi,
5 Mwa Yaubada! Ulo mitugaga gala akatupwani metoya omatam.
6 Mwa Guyau! Giyouveka Topeuligaga yoku,
7 Tomota ibigigagaigusi e saina iyomsilaigusi,
8 Tuwagwa e budagwa idokaigusi tomitawasi,
9 Ulo ninatotila paila kala yamata m Bwala Kwebumaboma ivigaki makawala kova ilululu olopogu.
10 Apusoposuma mwada bivigaki nanogu kala manum,
11 Asisikam agu koula,
12 Obikubaku ililivalaigusi,
13 E Guyau, mayeigu ka - yeigu banigada baisa yoku.
14 Bukukolaigu mwada gala bavasonu wa dumia.
15 Taga bukutagwala dadoya bikubolaigu,
16 Mwa Guyau! Yoku m mitakwai saina bwaina. Bukumapu ulo nigada,
17 Taga kusipepuni ambaisa yeigu m towotetila gala gagabila bagisaim.
18 Kumakaiagu, bukukolaigu.
19 Yoku kunikolibogwi ammakawala eibigigagaigusi.
20 Si bigigaga iyomwau nanogu,
21 Agu molu, mitaga ivakomaigusi napwa.
22 Ka, ibodi kasi paka bivigaki si kabosilagi,
23 Bukuvigaki matausina bikausi,
24 Bukugibuluwi matausina,
25 Ibodi si kabosikaiwa biviloububu wala,
26 Ilamidadaisi availa availa yoku lokumipuki,
27 Ibodi si mitugaga kala luluwai bikanuvagasi omatam.
28 Ibodi bukukodidaimi yagasi metoya mapilana buki isim yagasi tommomova,
29 Mitaga yeigu laboda saina mmayuyu e asim wala pikwaku.
30 Bawosi Yaubada kala yakaula,
31 Yakaula makwaina biyomwasali Guyau e bikalisau bulumakau kala gabu wa lula.
32 Matausina eibodasi lamadada bigisaisi baisa e bimwasawasi.
33 Guyau ililagi matausina availa availa eibodasi mwau,
34 Eei! Yoku valu walakaiwa, e yoku valu watanawa, bukuyakawolaisi Yaubada,
35 Yaubada bikoli mapilana Yerusalem,
36 La towotetila tubusia biyosisi kasi bigukeya,