1 Mwa Yaubada! Kulagi ulo nigada.
2 Kunakaigalaigu deli kuvitakaulokaigu.
3 Si kapoi agu tilaula bogwa eiyokukolaigu,
4 Yeigu ibulukukolaigu,
5 Yeigu bogwa lakokola deli atatuva.
6 O kidamwa isim pinupanegu, makawala bubuna.
7 Mokwita goli bayowa bala kaduwonaku
8 Gagabila bananakwa basipepuni
9 Mwa Guyau! Kusipinigu si bigatona agu tilaula.
10 Ivaulaisi ivapataisi valu yam deli bogi,
11 Kodadaimi isisu ambaisa ambaisa.
12 Kidamwa taitala tilaula biyosokanaigu,
13 Mitaga baisa yoku kalogu lokuyosokanaigu!
14 Bogwa tabigikium kadataiyu,
15 Bibodi agu tilaula bikaligasi igau gala bibodi si tuta.
16 Mitaga yeigu adou baisa Guyau Yaubada paila pilasi,
17 Kaukwau, lalavi deli bogi
18 Matauna bikaimalaigu bwainawokuva wala
19 Yaubada matauna bogwa eigiyoubogwa metoya tuta kala vitouula,
20 Kalogu tobogwa iwaiya lubaila matausina.
21 La biga kala posa ikalisau mona posala,
22 Kuvakalisi m koni mwau baisa Guyau,
23 Mitaga yoku, ulo Yaubada, bukumipuki matausina tokatumata deli tosasopa bikaligasi