1 Bimwasawasi matausina availa availa ininamsaisi paila tonamakava.
2 Guyau bikoli matausina deli biyamati si momova.
3 Guyau bipilasi matausina avai tuta bikatoulasi,
4 Yeigu akaibiga kawagu, “Mwa Guyau! Bogwa wala lamitugaga omatam.
5 Agu tilaula ililivalasi biga vakatutuki paila yeigu.
6 Matausina availa availa imaisi igisaigusi gala wala tokwamokwita.
7 Komwaidosi matausina availa availa tokukolosi yeigu ikikasilamwaigusi wala.
8 Ikaibigasi kawasi, “Katoula wala bogwa bikimati.
9 Deli goli lubaigu tatougu, matauna adubumi mokwita,
10 Mwa Guyau! Kunokapisaigu, kuyomovaigu babwaina e bakaitubwa,
11 Matausina gala bitomgwagasi odabagu,
12 E yoku bukupilasaigu, paila uula avagi avaka duwosisia,
13 Kala yakaula Guyau, matauna mina Isireli si Yaubada!