1 Yokomi tomitukwaibwaila, bukugovasi deli mwasawa,
2 Bukunokagutokisi baisa Guyau deli mi gita,
3 Kuwosisi wosi pilavau baisa matauna.
4 Yaubada la biga komwaidona biga mokwita
5 Guyau iyebwaili mitukwaibwaila deli karaiwaga duwosisia,
6 Guyau ibubuli valu walakaiwa metoya ola karaiwaga.
7 Ikouguguli bolita ivigaki gulotala,
8 E yokomi mina watanawa, kukukolaisi Guyau.
9 Avai tuta ilivala valu watanawa ikaloubusi,
10 Guyau isilibodi ninasi boda ituwoli ituwoli.
11 Mitaga avaka avaka nanola matauna baisa bikanigaga wala.
12 Avai boda inagaisi mwada Guyau si Yaubada, bogwa bimwasawasi.
13 Guyau wa labuma ikululuki
14 Metoya ola kabokwaraiwaga ikululuki
15 Ibubuli si nanamsa avaka avaka ininamsaisi,
16 Taitala guyau gala bikugwa mwada uula la tokwabilia saina topapeula.
17 Minasina wosala kabilia gala dimlesi paila tomgwaga.
18 Guyau iiyamati matausina availa availa ikabikuwolaisi matauna,
19 Ikoli matausina metoya okaliga,
20 Yakidasi tapikwakwaisi Guyau.
21 Tamwasawasi paila uula matauna.
22 Mwa Guyau! Ibodi bukumitukwaiyaimasi,