1 Mwa Guyau! Aninigada baisa yoku.
2 Adubumaim wala yoku ulo Yaubada.
3 Matausina availa availa saina nanakwa bikosomapwaimsi,
4 Mwa Guyau! Kuvitulokaigu m kidakeda,
5 Kuvitulokaigu kidamwa babububuna makawala m biga kwekamokwita.
6 Mwa Guyau! Kululuwai m ninabwaila deli m mitakwai,
7 Kuligaiwa ulo mitugaga deli ulo sula makwaisina igau otubovaugu.
8 Matauna Guyau ivituloki tomitugaga keda duwosisia
9 Matauna iuvakadi matausina ninasi watanawa okedala duwosisia,
10 Metoya ola kimadagi deli la yebwaili,
11 Mwa Guyau! Kuvagi makawala m biga katotila e kuligaiwa ulo mitugaga.
12 Availa availa matausina ikabikuwolaisi Guyau
13 E matausina tuta komwaidona biyubwailasi,
14 Guyau ikalubaili matausina availa availa ikabikuwolaisi matauna,
15 Yeigu akowana baisa Guyau paila la pilasi tuta komwaidona,
16 Mwa Guyau! Kutovilakaigu deli kunokapisaigu,
17 Kukwatigam lopogu metoya ogu nokubukubu,
18 Kuninamsi kala kaikai nanogu deli agu mmayuyu,
19 Kugisi kasi bawa agu tilaula,
20 Ka, lamakaiam paila bakwala,
21 Ibodi ulo bubunela bwaina deli ulo kamokwita bikolaigu,
22 Mwa! Yaubada, kukwatumovi m tomota mina Isireli