1 Ulo Yaubada ulo Guyau yoku,
2 Yam kwaitala kwaitala banokagutoki baisa yoku,
3 Guyau matauna Toveka, e ibodi bitayakawoli sainela.
4 Tomota biyakawolaisi vavagi makwaisina avaka yoku lokuvagi,
5 Bilivalasi paila kam kwatububula deli m giyouveka,
6 Tomota bilivalaisi vavagi topilaveka avaka yoku lokuvagi,
7 Bilivalasi paila komwaidona m bobwailila,
8 Guyau matauna toyebwaili e tonokapisi.
9 Imitukwaibwaili tomota komwaidosi,
10 Mwa Guyau! Tommomova komwaidosi biyakawolaimsi,
11 Bilivalasi paila m giyouveka isim kala katububula,
12 kidamwa tomota komwaidosi binikolaisi vavagi topilaveka avaka lokuvagi
13 M guyau gala biwokuva, bikanigaga goli,
14 Ipilasi matausina eibodasi mwau,
15 Komwaidona tommomova imitakavataimsi deli si vinagai,
16 Kusaiki avaka bibodi,
17 Guyau tomitukwaibwaila e komwaidona avaka avaka iuvagi mitukwaibwaila wala,
18 Availa availa idousi baisa matauna, isikaili otalisi matausina,
19 Isisaiki komwaidona avaka magisi baisa matausina availa availa itemmalaisi matauna.
20 Ikoli komwaidosi availa availa iyebwailisi matauna,
21 Tuta komwaidona bayakawoli Guyau.