1 Mwa Guyau! Lokugisimlilaigu tomwaidogu e kunikolaigu wala.
2 Komwaidona avaka avaka lauvagi yoku kunikoli wala.
3 Yeigu kaina lauwotetila kainaga lauvaiwasi,
4 Igau gala balivala,
5 Yokugwa kutoulaigu ambaisa ambaisa,
6 Gala gagabila bakateta kala vakaila m nikoli paila yeigu,
7 Mwada basakaula metoya baisa yoku, e ambaisaga bam?
8 Kidamwa bamwena bala labuma, yoku bogwa kusisu baisa.
9 Kidamwa balokaia mapilana opilibomatu
10 ka, yoku kusibogwa paila bukuvakadaigu,
11 kaina gagabila baluki dudubila bikubolaigu,
12 Mitaga dudubila yoku gala wala bukudoki dudubila,
13 Yoku bogwa kububuli katuputupwaila wowogu
14 Aiyakawolaim, paila ibodi kam kokola bisisu.
15 Tutala tutuwanegu ibububulasi,
16 Igau gala akaloubusi yoku bogwa kugisibogwaigu.
17 Mwa Yaubada! M nanamsa saina kwevakaigaga,
18 Kidamwa bakalau makwaisina,
19 Mwa Guyau! Saina magigu bukukwatumati tomitugaga.
20 Ibigigagaimsi e ipakaimsi,
21 E Guyau, mina kukologu wala matausina ikikoulovaimsi,
22 Ulo kowolova paila matausina mina kukologu gala wala isim kala kalitutila,
23 Mwa Guyau! Bukugisimlilaigu tomwaidogu e bukunikoli nanogu.
24 Bukunevikoli kaina bukubani avai vavagi gaga olumoulegu,