1 Ibodi bitanokagutokisi baisa Guyau, paila matauna goli giyoubwaila,
2 Ibodi bitanokagutokisi baisa matauna tovakaigaga ikalisuwoli komwaidona minasina yaubada.
3 Ibodi bitanokagutokisi baisa matauna topeuligaga ikalisuwoli komwaidona gweguya,
4 Matauna goli kalamwaleta iuvagi vavagi topilaveka,
5 Metoya ola kabitam, matauna ibubuli labuma,
6 Matauna ibubuli valu watanawa odabala tukutaku,
7 Matauna ibubuli kalasia deli tubukona,
8 Ibubuli kalasia kidamwa bikaraiwogi yam,
9 E ibubuli tubukona deli utuyam, kidamwa bikaraiwogaisi bogi,
10 Matauna ikatumati si kuluta tauwau mina Itipita,
11 Matauna ikugwai mina Isireli e ivisunupuloi metoya mapilana Itipita,
12 metoya oyamala goli, makweyana kweyapeuligaga,
13 Matauna ivigaki mapilana Bolita Pilabweyani bitabai,
14 e ikugwai la tomota oluwalela bolita goli,
15 Mitaga ikatudoum guyoula Itipita deli la tokwabilia,
16 Matauna ikugwai la tomota oluwalela viloupakala,
17 Matauna ikatumati gweguya matausina topapeula,
18 Matauna ikatumati gweguya matausina isim bulogasi,
19 Yagasi Siyoni, matauna mina Amora si guyau,
20 deli Ogi, matauna guyoula Basani,
21 Matauna ikau si pwaipwaia e isaiki la tomota,
22 e isaiki baisa mina Isireli la towotetila,
23 Matauna gala wala ilumwelavaidasi, avai tuta yakidasi bogwa tamamasi,
24 Matauna itanekwaidasi metoya kada tilaulasi,
25 Matauna iuvakoma komwaidona la bubuli tommomova,
26 Ibodi bitanokagutokisi baisa matauna labuma la Yaubada,