1 Mwa Yaubada! Ayakawolaim. Gala ibodi bukukwapatu!
2 Tomitugaga deli tosisasopa bogwa eiwaigusi.
3 e ililivalasi vavagi gaga paila yeigu,
4 Inopakaigusi mitaga ayebwaili wala matausina,
5 Avagi vavagi bwaina baisa matausina, mitaga imapwaigusi vavagi gaga.
6 Kunagi avai toyakala gaga biyakali agu tilaula,
7 E ibodi matauna bisuvi oyakala e bibanaisi matauna isim kala pakula.
8 Ibodi la momova nani wala biwokuva,
9 Ibodi litula biwaki neuya
10 Ibodi litula gala wala si kabosisu e bininigadasi wala paila kʹasi,
11 Ibodi matausina eiuwasi si guguwa bikauwaisi wala la guguwa komwaidona,
12 Ibodi gala wala taitala bimitukwaii matauna,
13 Ibodi dalela komwaidona bikaligasi,
14 Ibodi Guyau biluluwai avaka tubula si mitugaga,
15 Ibodi Guyau tuta komwaidona biluluwai si mitugaga,
16 Ka, tau matauna gala wala avai tuta ininanamsi sitana bininabwaila, gala wala!
17 Saina mbwailila bolata - ka, ibodi bibulotaisi matauna!
18 Saina tokabulobolata, iwalaki wala kala wosi.
19 Ibodi la bolata bikuboli matauna makawala kanunuva,
20 Mwa Guyau! Kumipuki agu tilaula makawala avaka baisa lalivali.
21 Mitaga Guyau yoku ulo Yaubada, kupilasaigu makawala m biga katotila
22 Yeigu tonamakava deli togumalawa,
23 Makawala kaikobugu odubilikoyavi e yeigu tuta pikekita wala batamwau.
24 E kwaitutugu imama paila uula gala kaula.
25 Avai tuta tomota igisaigusi e igigilaigusi wala.
26 Mwa! Guyau ulo Yaubada, kupilasaigu.
27 Kuvigaki agu tilaula binikolaisi
28 Kaina matausina bibulotaigusi, mitaga yoku bukubigibwailigu wala.
29 Ibodi agu tilaula mmosila wala bikatumati matausina.
30 Yeigu bakaigaveka banokagutoki baisa Guyau;
31 paila uula itabodi matauna tonamakava,