1 O kapisila Yerusalem, itutu nanogu eivilouwokuva, omitibogwa saina viloukabalaki!
2 Bogi komwaidona iuvalam wala, e mitilagila tadoki avaka kaisabwibwi.
3 Tomotala Yuda ikatupipaisi gala availa bipilasi, e isilavaisi si valu.
4 E baisa tuta gala wala availa imaima ititapwaroru wa Bwala Kwebumaboma wa yam makwaisina kwebumaboma.
5 Yerusalem kala tilaula bogwa eitomgwagasi;
6 Yerusalem valu kwaimitabwaila kala gigisa bogwa eitamwau.
7 E baisa tuta Yerusalem viloudidadaimi wala eitogumalawa,
8 Kala kamaiaba bogwa leiwokuva;
9 Mavilouna la mitugaga omilakatila wala tagigisi,
10 Kala tilaula ilebwaisi veiguwala valu viloumwaidona.
11 E tomotala binainevisi kʹasi deli wala si kayagigila;
12 E la valam baisa availa availa bililoulasi okadaula,
13 “Iwitali kova metoya walakaiwa leima,
14 “E komwaidona ulo mitugaga iselavi ila gulitinidesi;
15 “E Guyau iyosokani wala komwaidosi ulo tokwabilia topapeula;
16 “Baisa uula mitilagigu tadoki avaka kaisabwibwi.
17 “Ka, avitukoli yamagu, mitaga gala wala availa bipilasaigu.
18 “Mitaga Guyau matauna toduwosisia,
19 “Ka, adou mavilousina ulo kaiyala mitaga ipakaisi,
20 “O ulo Guyau, kugisi agu mmayuyu,
21 “Kulagi ulo kayagigila, gala availa isisu paila bivisimolaigu.
22 “Kukwamogi matausina paila komwaidona si mitugaga makwaisina leiuvagaisi;