1 “Mwa Guyau, kidamwa bakominimani deli yoku paila kwaitala ulo sula,
2 Yoku kuvali matausina e italolasi, ikaitubwasi e iuwasi.
3 Mitaga yoku Guyau bogwa kunikolaigu;
4 Ammakawala kala kaduwonaku meilili bikau oma valusi,
5 E Guyau ilivala kawala,
6 Ilagoli tuwamwa budamwa, matausina goli dalem tatoum bogwa eikoulovaimsi;
7 E Guyau ilivala kawala,
8 E ulo tomota tatougu bogwa eikosomapwaigusi;
9 Ka ulo tomota tatougu matausina makawala natana mauna nayoyowa,
10 Bidubadu tokaraiwaga mitawasi
11 Matausina eivigakaisi mapilana eimila bidapakala wala;
12 Okoyala viloupakala pilamwaidona
13 Ulo tomota isapwaisi kasi yagogu, e kabinaila itaiyauwaisi mnumonuwokuva wala;
14 Guyau eilivala kawala, “Ka, balivala paila mavilousina valu otalila Isireli, matausina goli leikodidaimisi mapilana valu lasaiki ulo tomota mina Isireli. Yeigu basabu matausina mina mitugaga metoya osi valu makawala kai leikosabwaisi, e bakoliga mina Yuda metoya baisa matausina.
15 Mitaga avai tuta bogwa babutugigai matausina, igau tuvaila banokapisi matausina. E yeigu bakaimilivau boda makwaisina kwaitala kwaitala balau osi pwaipwaia deli osi valu tatousi.
16 E kidamwa bogwa leikatotusi metoya oninasi komwaidona e bidubumaisi si tapwaroru ulo tomota deli bilivalasi biga katotila mwau kawasi, ‘Mokwita goli Guyau Tosivagasi’ - makawala matausina okwaitala eivakadaisi ulo tomota bilivalasi biga katotila mwau oyagala Beali - oluvi yeigu bakommoli matausina e bavigaki ulo tomota tatougu e bisibwabwailasi.
17 Mitaga kidamwa avai boda mabudosina gala bikabikaulasi, yeigu basabu matausina e bakatumtuwoli wala. Ka, yeigu Guyau bogwa lalivala.”